பெர்த்,

இந்திய பெண்கள் ஆக்கி அணி 5 ஆட்டங்கள் கொண்ட தொடரில் விளையாட ஆஸ்திரேலியா சென்றுள்ளது.இதில் முதல் 2 ஆட்டங்களில் ஆஸ்திரேலிய 'ஏ' அணியுடனும், அடுத்த மூன்று ஆட்டங்களில் உலக தரவரிசையில் 5-வது இடத்தில் இருக்கும் ஆஸ்திரேலிய சீனியர் அணியுடனும் மோதுகிறது.

இந்திய பெண்கள் ஆக்கி அணி, ஆஸ்திரேலியா 'ஏ' அணிக்கு எதிரான தொடக்க ஆட்டத்தில் 3-5 என்ற கணக்கில் தோற்றிருந்தது.

இந்த நிலையில் இவ்விரு அணிகள் இடையிலான 2-வது ஆட்டம் நேற்று நடைபெற்றது. விறுவிறுப்பான இந்த ஆட்டத்தில் இந்தியா 2-3 என்ற கோல் கணக்கில் தோல்வியை தழுவியது.

அடுத்து இந்தியா - ஆஸ்திரேலியா சீனியர் அணிகள் இடையே 3 ஆட்டங்கள் நடத்தப்படுகிறது. இதன் முதலாவது ஆட்டம் வருகிற 1-ந் தேதி நடக்கிறது.