ஜார்ஜியா,

16 அணிகள் பங்கேற்கும் 19 வயதுக்குட்பட்டவருக்கான (யு19) ஆண்கள் கிரிக்கெட் உலகக் கோப்பை ஜிம்பாப்வே மற்றும் நமீபியாவில் நடைபெற்று வருகிறது.

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் முடிவில் 4 பிரிவில் இருந்தும் முதல் 3 இடங்களை பிடிக்கும் அணிகள் சூப்பர் சிக்ஸ் சுற்றுக்கு முன்னேறும். இந்த சுற்றில் விளையாடும் 6 அணிகளும் 2 பிரிவாக பிரிக்கப்படும். இதன் முடிவில் 2 பிரிவிலும் முதல் 2 இடங்களை பிடிக்கும் அணிகள் அரையிறுதிக்கு தகுதி பெறும்.

இந்த நிலையில், ஹராரேயில் நேற்று நடந்த ஒரு ஆட்டத்தில் பாகிஸ்தான் அணி (சி பிரிவு) 8 விக்கெட் வித்தியாசத்தில் ஜிம்பாப்வேயை வீழ்த்தி 2-வது வெற்றியை பெற்றது. அந்த பிரிவில் இங்கிலாந்து (3 வெற்றி), பாகிஸ்தான் (2 வெற்றி, ஒரு தோல்வி), ஜிம்பாப்வே (2 தோல்வி, ஒரு முடிவில்லை) முறையே டாப்-3 இடங்களை பிடித்து அடுத்த சுற்றுக்கு (சூப்பர்6) தகுதி பெற்றன.