ரஷிய எண்ணெய் கப்பலை குறிவைத்து தாக்கிய உக்ரைன்

கருங்கடல் பகுதியில் ரஷியாவின் கச்சா எண்ணெய் கப்பலை குறிவைத்து தாக்கி அழித்து உக்ரைன் ராணுவம். நள்ளிரவில் ரஷிய தலைநகர் மாஸ்கோ உள்ளிட்ட பகுதிகளை குறிவைத்து உக்ரைன் பெரிய அளவிலான ட்ரோன் தாக்குதல்களில் ஈடுபட்டதாக ரஷ்யா கூறியுள்ளது.

வங்காள தேசத்தில் பிப்ரவரி 12-ம் தேதி பொதுத்தேர்தல்

வங்காள தேசத்தில் மாணவர் போராட்டத்தால் ஷேக் ஹசீனா ஆட்சி கவிழ்ந்தது. இடைக்கால அரசின் தலைவராக முகமது யூனுஸ் நியமிக்கப்பட்ட நிலையில் முறைப்படி தேர்தல் அறிவிக்கப்பட்டுள்ளது.

உமர் காலித்துக்கு இடைக்கால ஜாமின் வழங்கியது டெல்லி ஐகோர்ட்டு

டெல்லி கலவர வழக்கில் கைதாகி சிறையில் இருக்கும் சமூக ஆர்வலர் உமர் காலித்துக்கு நிபந்தனைகளுடன் 2 வாரங்கள் இடைக்கால ஜாமின் வழங்கியது டெல்லி ஐகோர்ட்டு. 2020 முதல் உமர் பலமுறை ஜாமின் கேட்டு போராடி வரும் நிலையில், டிச.16 - 29 வரை குடும்ப திருமண நிகழ்ச்சியில் பங்கேற்க அனுமதி வழங்கப்பட்டுள்ளது.

பாகிஸ்தானுடன் ரூ.6,196 கோடி மதிப்பிலான ஆயுத ஒப்பந்தத்திற்கு அமெரிக்கா ஒப்புதல்

பாகிஸ்தானுக்கு எப்-16 போர் விமானங்களை விற்பது உள்பட ரூ.6,196 கோடி மதிப்பிலான ஆயுத ஒப்பந்தத்திற்கு அமெரிக்கா ஒப்புதல் அளித்துள்ளது. இதனை பாகிஸ்தான் நாட்டில் இருந்து வெளிவரும் டான் செய்தி நிறுவனம் வெளியிட்டுள்ள தகவல் தெரிவிக்கின்றது.

பயங்கரவாத ஒழிப்பு முயற்சிகள் மற்றும் வருங்கால நடவடிக்கைகளுக்கு தயாராவது ஆகிய அமெரிக்கா மற்றும் நட்பு நாடுகளுடன் இணைந்து செயல்படுவதற்கு இந்த ஒப்பந்தம் அனுமதி அளிக்கும் என இதுதொடர்பாக, அமெரிக்க காங்கிரசுக்கு ராணுவ பாதுகாப்பு ஒத்துழைப்பு கழகம் வெளியிட்ட கடிதம் தெரிவிக்கின்றது.

யுவராஜ் சிங் மற்றும் ஹர்மன்ப்ரீத் ஆகியோர் பெயரில் புதிய கேலரிகள்

முல்லன்பூர் மைதானத்தில் இந்திய முன்னாள் கிரிக்கெட் வீரர் யுவராஜ் சிங், இந்திய மகளிர்|அணி கேப்டன் ஹர்மன்ப்ரீத் ஆகியோர் பெயரில் அமைக்கப்பட்டுள்ள கேலரிகள் இன்று திறக்கப்பட்டுள்ளது. இந்தியா - தென்னாப்பிரிக்கா மோதும் 2வது டி20 இன்று நடைபெறுகிறது.

தமிழகத்தில் 100 சதவிகிதம் எஸ்.ஐ.ஆர்.படிவங்கள் பதிவேற்றம்

தமிழகத்தில் விநியோகிக்கப்பட்ட எஸ்.ஐ.ஆர் படிவங்கள் 100 சதவிகிதம் பதிவேற்றம் செய்யப்பட்டுள்ளதாக தேர்தல் ஆணையம் தெரிவித்துள்ளது. 

காவல்துறை அதிகாரி இஷா சிங்- க்கு புதுச்சேரி மந்திரி நமச்சிவாயம் பாராட்டு

புதுச்சேரியில் தவெக தலைவர் விஜய் மக்கள் சந்திப்பு நிகழ்வில் காவல்துறை அதிகாரி இஷா சிங் சிறப்பாக செயல்பட்டிருக்கிறார். அவருக்கு எங்களுடைய பாராட்டுகள். காவல்துறையினர் தங்களது பணியை சிறப்பாக செய்திருக்கிறார்கள் என புதுச்சேரி உள்துறை மந்திரி நமச்சிவாயம் பாராட்டு தெரிவித்துள்ளார்.

எஸ்.ஐ.ஆர் நடைமுறை டிச.14 வரை நீட்டிப்பு

எஸ்.ஐ.ஆர் நடைமுறை டிச.14 வரை நீட்டிப்பு

தமிழ்நாடு உள்பட 6 மாநிலங்களில் வாக்காளர் சிறப்பு தீவிர திருத்தப் பணிகள் டிச.14ஆம் தேதி வரை நீட்டிக்கப்பட்டுள்ளது. தமிழ்நாட்டில் வரைவு வாக்காளர் பட்டியல் டிச.19ஆம் தேதி வெளியாகும் என தேர்தல் ஆணையம் அறிவித்துள்ளது.

பாகிஸ்தானில் போராட்டம்

சிந்து தேசம் என்ற பெயரில் தனி நாடு கோரி பாகிஸ்தானில் போராட்டங்கள் வெடித்தன. சிந்து மாநிலத்தின் தலைநகரான கராச்சியில் நடந்த போராட்டத்தின்போது போராட்டக்காரர்களுக்கும், காவல்துறையினருக்கும் மோதல் ஏற்பட்டதால் வன்முறை சூழல் உண்டாகி உள்ளது.