லண்டன்,

'கிராண்ட்ஸ்லாம்' அந்தஸ்து கொண்ட விம்பிள்டன் டென்னிஸ் லண்டனில் நடந்து வருகிறது. இறுதி கட்டத்தை எட்டியுள்ள இந்த தொடரில் தற்போது அரையிறுதி ஆட்டங்கள் நடைபெற்று வருகின்றன.

அதன்படி மகளிர் ஒற்றையர் பிரிவில் இன்று நடைபெற்ற முதல் அரையிறுதி ஆட்டத்தில் சபலென்கா (பெலாரஸ்)- அனிசிமோவா (அமெரிக்கா) மோதினர்.

விறுவிறுப்பாக நடைபெற்ற இந்த ஆட்டத்தில் முதல் 2 செட்டுகளை ஆளுக்கொன்றாக கைப்பற்றினர். இதனையடுத்து மிகுந்த எதிர்பார்ப்புகளுக்கு மத்தியில் நடைபெற்ற 3-வது செட்டை அனிசிமோவா கைப்பற்றினார். முடிவில் அனிசிமோவா 6-4, 4-6 மற்றும் 6-4 என்ற செட் கணக்கில் சபலென்காவை வீழ்த்தி இறுதிப்போட்டிக்கு முன்னேறினார்.