ரோம்,

பல முன்னணி வீரர், வீராங்கனைகள் பங்கேற்றுள்ள இத்தாலி ஓபன் டென்னிஸ் தொடர் ரோமில் நடைபெற்று வருகிறது. இறுதிக்கட்டத்தை எட்டியுள்ள இந்த தொடரில் இன்று நடைபெற்ற மகளிர் ஒற்றையர் பிரிவின் அரையிறுதி ஆட்டம் ஒன்றில் முன்னணி வீராங்கனைகளான கோகோ காப் (அமெரிக்கா) - கின்வென் ஜெங் (சீனா) ஆகியோர் மோதினர்.

இந்த ஆட்டத்தின் முதல் செட்டை 7-6 (7-3) என்ற புள்ளிக்கணக்கில் கோகோ காப்பும், 2வது செட்டை 6-4 என்ற புள்ளிக்கணக்கில் கின்வென் ஜெங்கும் கைப்பற்றினர். இதையடுத்து வெற்றியாளரை தீர்மானிக்கும் 3வது செட்டில் அனல் பறந்தது. இருவரும் மாறி மாறி புள்ளிகள் எடுத்தனர்.

இறுதியில் இந்த செட்டில் 7-6 (7-4) என்ற புள்ளிக்கணக்கில் கின்வென் ஜெங்கை வீழ்த்தி கோகோ காப் வெற்றி பெற்றார். இந்த வெற்றியின் மூலம் அவர் இறுதிப்போட்டிக்கு முன்னேறினார். நாளை நடைபெறும் இறுதி ஆட்டத்தில் கோகோ காப், இத்தாலியின் ஜாஸ்மின் பவுலினி உடன் மோத உள்ளார்.