டொரண்டோ,

முன்னணி வீரர், வீராங்கனைகள் பங்கேற்றுள்ள கனடா ஓபன் சர்வதேச டென்னிஸ் போட்டி அங்குள்ள டொரண்டோ நகரில் நடைபெற்று வருகிறது. இதில் இன்று நடைபெற்ற ஆண்கள் ஒற்றையர் பிரிவின் 3-வது சுற்று ஆட்டம் ஒன்றில் முன்னணி வீரரான ஹோல்கர் ரூனே (டென்மார்க்), பிரான்சின் அலெக்ஸாண்ட்ரே முல்லர் உடன் மோதினார்.

அனுபவம் வாய்ந்த இரு வீரர்கள் மோதியதால் தொடக்கம் முதலே ஆட்டம் விறுவிறுப்பாக சென்றது. இறுதியில் இந்த மோதலில் அபாரமாக செயல்பட்டு ஆதிக்கம் செலுத்திய ஹோல்கர் ரூனே 6-2, 6-4 என்ற நேர் செட் கணக்கில் அலெக்ஸாண்ட்ரே முல்லரை வீழ்த்தி 4வது சுற்றுக்கு முன்னேறினார்.