விசாகப்பட்டினம்,

புரோ கபடி லீக் போட்டி 2014-ம் ஆண்டு முதல் நடத்தப்பட்டு வருகிறது. இந்த ஆண்டுக்கான 12-வது புரோ கபடி லீக் விசாகப்பட்டினத்தில் கடந்த 28ம் தேதி தொடங்கியது . முதற்கட்ட லீக் ஆட்டங்கள் செப்டம்பர் 11-ந் தேதி வரை விசாகப்பட்டினத்திலும், அடுத்த கட்ட ஆட்டங்கள் முறையே ஜெய்ப்பூர் (செப்.12-27), சென்னை (செப்.29- அக்.10), டெல்லி (அக்.11-23) ஆகிய இடங்களிலும் நடைபெறுகிறது.

இதில் நேற்றிரவு நடந்த லீக் ஆட்டம் ஒன்றில் யு மும்பா அணி 48-28 என்ற புள்ளி கணக்கில் பெங்களூரு புல்சை தோற்கடித்தது. மற்றொரு ஆட்டத்தில் நடப்பு சாம்பியன் அரியானா ஸ்டீலர்ஸ் 37-32 என்ற புள்ளி கணக்கில் உ.பி. யோத்தாசை சாய்த்தது. இன்றைய ஆட்டங்களில் பாட்னா பைரட்ஸ்- பெங்களூரு புல்ஸ் (இரவு 8 மணி), தமிழ் தலைவாஸ்- குஜராத் ஜெயன்ட்ஸ் (இரவு 9 மணி) அணிகள் மோதுகின்றன.