டல்லாஸ்,

மேஜர் லீக் கிரிக்கெட் தொடரின் 2வது தகுதி சுற்று ஆட்டம் நேற்று (இந்திய நேரப்படி இன்று) நடைபெற்றது. இதில் டெக்சாஸ் சூப்பர் கிங்ஸ் - எம்.ஐ. நியூயார்க் அணிகள் மோதின. இந்த ஆட்டத்திற்கான டாசில் வென்ற எம்.ஐ. நியூயார்க் முதலில் பந்துவீசுவதாக அறிவித்தது.

தொடர்ந்து முதலில் பேட்டிங் செய்த சூப்பர் கிங்ஸ் அணி 20 ஓவரில் 5 விக்கெட்டை இழந்து 166 ரன்கள் எடுத்தது. சூப்பர் கிங்ஸ் தரப்பில் அதிகபட்சமாக டு பிளெஸ்சிஸ் 59 ரன் எடுத்தார். எம்.ஐ. நியூயார்க் தரப்பில் டிரிஸ்டன் லூஸ் 3 விக்கெட் வீழ்த்தினார்.

இதையடுத்து 167 ரன் எடுத்தால் இறுதிப்போட்டிக்கு முன்னேறலாம் என்ற இலக்குடன் களம் புகுந்த எம்.ஐ. நியூயார்க் அணி 19 ஓவரில் 3 விக்கெட்டை மட்டும் இழந்து 172 ரன்கள் எடுத்து 7 விக்கெட் வித்தியாசத்தில் அபார வெற்றி பெற்றது.

இந்த வெற்றியின் மூலம் எம்.ஐ. நியூயார்க் அணி இறுதிப்போட்டிக்கு முன்னேறியது. எம்.ஐ. நியூயார்க் தரப்பில் அதிகபட்சமாக பூரன் 52 ரன் எடுத்தார். நாளை நடைபெறும் இறுதிபோட்டியில் வாஷிங்டன் பிரீடம் - எம்.ஐ. நியூயார்க் அணிகள் மோத உள்ளன.