சென்னை,

இந்திய கிரிக்கெட் அணி 12 ஆண்டுகளாக சொந்த மண்ணில் டெஸ்ட் தொடரை இழக்காமல் வீறுநடை போட்ட அந்த மகத்தான பயணம் கடந்த ஆண்டு அக்டோபர்- நவம்பரில் நியூசிலாந்திடம் 0-3 என்ற கணக்கில் தோற்றதன் மூலம் முடிவுக்கு வந்தது. அடுத்த ஓராண்டுக்குள் மேலும் ஒரு பேரிடி விழுந்துள்ளது. தென் ஆப்பிரிக்காவுக்கு எதிரான டெஸ்ட் தொடரை 2-0 என்ற கணக்கில் முழுமையாக இழந்து ஒயிட்வாஷ் ஆகியுள்ளது.

இதனால் தலைமை பயிற்சியாளர் கம்பீரை நீக்க வேண்டும் என ரசிகர்கள் சமூக வலைதளத்தில் குரல் கொடுத்து வருகிறார்கள். கம்பீரின் பயிற்சியின் கீழ் இந்திய அணி இதுவரை 19 டெஸ்டுகளில் விளையாடி 7-ல் வெற்றியும், 10-ல் தோல்வியும், 2-ல் டிராவும் கண்டுள்ளது.

இந்நிலையில் கவுதம் கம்பீரை கிண்டலத்து காமெடி நடிகர் சதீஷ் தனது எக்ஸ் பக்கத்தில் பதிவிட்டுள்ளார்.

அதில், “கம்பீர் மைண்ட் வாய்ஸ்….எல்லாரும் ஓவரா பேசராங்க… பேசாம ஹர்ஷித் ராணாவை டெஸ்ட் கேப்டனா அறிவித்து காமெடி (Fun) பண்ணுவோமா…?!?!” என்று பதிவிட்டுள்ளார்.