மியாமி,

32 அணிகள் பங்கேற்றுள்ள கிளப் அணிகளுக்கான 21-வது உலகக் கோப்பை கால்பந்து திருவிழா அமெரிக்காவில் நேற்று முன்தினம் தொடங்கியது. மியாமியில் நடந்த தொடக்க ஆட்டத்தில் 'ஏ' பிரிவில் அங்கம் வகிக்கும் அமெரிக்காவின் இன்டர் மியாமி, எகிப்தின் அல்- அலி அணிகள் மோதின.

விறுவிறுப்பான இந்த ஆட்டத்தில் முதல் நிமிடத்தில் இருந்து கடைசி நிமிடம் வரை இரு அணிகளும் நீயா? நானா? என்று வரிந்து கட்டின. 41-வது நிமிடத்தில் கிடைத்த பெனால்டி வாய்ப்பை அல் அலி அணி வீணடித்தது.

64-வது நிமிடத்தில் இன்டர் மியாமி கேப்டன் லயோனல் மெஸ்சி 'பிரீ கிக்' வாய்ப்பில் உதைத்த பந்து மயிரிழையில் நழுவிப்போனது. முடிவில் இந்த ஆட்டம் கோல் இன்றி (0-0) டிராவில் முடிந்தது.