தங்கம் விலை கடந்த சில நாட்களாக தொடர்ந்து ஏற்ற, இறக்கத்துடன் காணப்பட்டு வருகிறது. அதன்படி, கடந்த புதன்கிழமை ஒரு கிராம் தங்கம் ரூ.9 ஆயிரத்து 380-க்கும், ஒரு சவரன் ரூ.75 ஆயிரத்து 40-க்கும் விற்பனை ஆனது. இதன் மூலம் தங்கம் விலை ரூ. 75 ஆயிரம் என்ற புதிய உச்சத்தை கடந்தது.

இதனை தொடர்ந்து தங்கம் விலை சற்று குறைந்தது. அதன்படி, சென்னையில் ஆபரண தங்கத்தின் விலை கடந்த வியாழக்கிழமை சவரனுக்கு ரூ. 1,000 குறைந்து ஒரு சவரன் ரூ. 74 ஆயிரத்து 40க்கு விற்பனை செய்யபட்டது. கிராமிற்கு ரூ. 125 குறைந்து ஒரு கிராம் தங்கம் ரூ. 9 ஆயிரத்து 255க்கு விற்பனை செய்யப்பட்டது.

கடந்த வெள்ளிக்கிழமை ஆபரண தங்கத்தின் விலை சவரனுக்கு ரூ. 360 குறைந்து ஒரு சவரன் ரூ. 73 ஆயிரத்து 680 ரூபாய்க்கு விற்பனை செய்யப்பட்டது. கிராமிற்கு ரூ. 45 குறைந்து ஒருகிராம் தங்கம் ரூ. 9 ஆயிரத்து 210க்கு விற்பனை செய்யப்பட்டது.

இதையடுத்து, கடந்த சனிக்கிழமையும் ஆபரண தங்கத்தின் விலை சற்று குறைந்தது. அதன்படி, சனிக்கிழமை சென்னையில் ஆபரண தங்கத்தின் விலை சவரனுக்கு ரூ. 400 குறைந்து ஒரு சவரன் ஆபரண தங்கம் ரூ. 73 ஆயிரத்து 280க்கு விற்பனை செய்யப்பட்டது. கிராமிற்கு ரூ. 50 குறைந்து ஒருகிராம் தங்கம் ரூ. 9 ஆயிரத்து 160க்கு விற்பனை செய்யப்பட்டது.

இந்நிலையில், வாரத்தின் முதல் நாளான இன்று (திங்கட்கிழமை) ஆபரண தங்கத்தின் விலை மாற்றமின்றி சனிக்கிழமை விலையே நீடிக்கிறது. அதன்படி, சென்னையில் இன்று ஆபரண தங்கத்தின் விலை சவரனுக்கு ரூ. 73 ஆயிரத்து 280க்கு விற்பனை செய்யப்பட்டு வருகிறது. ஒருகிராம் தங்கம் ரூ. 9 ஆயிரத்து 160க்கு விற்பனை செய்யப்பட்டு வருகிறது.

கடந்த 5 நாட்களில் தங்கம் விலை நிலவரம்:-

28.07.2025 ஒரு சவரன் ரூ. 73,280

26.07.2025 ஒரு சவரன் ரூ. 73,280

25.07.2025 ஒரு சவரன் ரூ. 73,680

24.07.2025 ஒரு சவரன் ரூ.74,040

23.07.2025 ஒரு சவரன் ரூ.75,040