தங்கம் விலை குறைவு.... இன்றைய நிலவரம் என்ன?

சென்னை,

தங்கம் விலை கடந்த 9-ந் தேதியில் இருந்து ஏறுமுகத்தில் மீண்டும் பயணிக்க தொடங்கி இருக்கிறது. அதிலும் ராக்கெட் வேகத்தில் உயர்ந்து வருவதை பார்க்க முடிகிறது. கடந்த 9-ந் தேதி பவுனுக்கு ரூ.1,480-ம், 10-ந் தேதி ரூ.1,200-ம், 11-ந் தேதி ரூ.1,480-ம் அதிகரித்து இருந்தது. இப்படியாக 3 நாட்களில் மட்டும் ரூ.4 ஆயிரத்து 160 உயர்ந்து காணப்பட்டது.

இதனைத் தொடர்ந்து கடந்த 12-ம் தேதியும் தங்கம் விலை கிராமுக்கு ரூ.25-ம், பவுனுக்கு ரூ.200-ம் அதிகரித்து, ஒரு கிராம் ரூ.8 ஆயிரத்து 770-க்கும், ஒரு பவுன் ரூ.70 ஆயிரத்து 160-க்கும் விற்பனை ஆனது. இதன் மூலம் தங்கம் விலை இதுவரை இல்லாத வரலாறு காணாத உச்சத்தை பதிவு செய்தது.

இந்த நிலையில், இன்று தங்கம் விலை சற்று குறைந்துள்ளது. அதன்படி, கிராமுக்கு ரூ.15 குறைந்து ஒரு கிராம் ரூ.8,755-க்கும், பவுனுக்கு ரூ.120 குறைந்து ஒரு பவுன் ரூ.70,040-க்கும் விற்பனை செய்யப்படுகிறது. தங்கம் விலையை போல, வெள்ளி விலையும் குறைந்துள்ளது. அதன்படி, கிராமுக்கு ரூ.2-ம், கிலோவுக்கு ரூ.2 ஆயிரமும் குறைந்து, ஒரு கிராம் ரூ.108-க்கும், ஒரு கிலோ ரூ.1 லட்சத்து 8 ஆயிரத்துக்கும் விற்பனையாகிறது