இந்தியாவில் தேயிலை உற்பத்தி சரிந்துள்ளதாக இந்திய தேயிலை கூட்டமைப்பு (ஐ.டி.ஏ) தெரிவித்துள்ளது. கொரோனா பெருந்தொற்றுக் காலத்திற்கு பிறகான பொருளாதார மந்தநிலை, தேயிலை நுகர்வு குறைவு, மற்றும் உள்நாட்டு தொழிலாளர்களின் ஊதிய பிரச்சினை உள்ளிட்ட காரணங்களால் இந்த நிலை ஏற்பட்டதாக தெரிவிக்கப்பட்டுள்ளது.

2023-ம் ஆண்டு தொடங்கி கடந்த ஜூன் மாதம் வரை 10 கோடி கிலோ அளவில் தேயிலை உற்பத்தி ஏற்பட்டுள்ளது. இதற்கு நேர்மாறாக நேபாளம் மற்றும் கென்யாவில் இருந்து 7 கோடி கிலோ அளவில் தேயிலை இறக்குமதி செய்யப்பட்டுள்ளதாக தெரிவிக்கப்பட்டுள்ளது. ஜூலை மாதத்தில் தேயிலை உற்பத்தி பத்து சதவீதம் குறையும் என தெரிவிக்கப்பட்டுள்ளது.