மலையாள சினிமாவின் முன்னணி நடிகர் துல்கர் சல்மான். இவரது தயாரிப்பில் சமீபத்தில் லோகா சாப்டர் 1 சந்திரா என்ற படம் வெளியானது. இந்த படத்தில் துல்கர் சல்மான் கெஸ்ட் ரோலிலும் நடித்திருந்திருந்தார்.

இந்த படத்தினை தொடர்ந்து தனது 41வது படத்தில் அறிமுக இயக்குனர் ரவி நெலகுடிட்டி இயக்கத்தில் நடிக்க உள்ளார். இப்படம் தமிழ், தெலுங்கு, மலையாளம் மற்றும் இந்தியில் வெளியாக உள்ளது. இந்த படத்தில் துல்கர் சல்மானுக்கு ஜோடியாக பூஜா ஹெக்டே நடிக்க உள்ளார். மேலும் நடிகை சுருதிஹாசனும் முக்கிய கதாபாத்திரத்தில் நடிக்க உள்ளார்.

இந்த நிலையில், ஜி.வி. பிரகாஷ்குமார் இசையமைக்கும் இந்த படத்தில் ஒரு முக்கிய கதாபாத்திரத்தில் நடிப்பதற்கு சில நடிகைகள் பரிசீலனை செய்யப்பட்டு வருகின்றனர். அந்த வகையில், நடிகை ரம்யா கிருஷ்ணன் இந்த படத்தில் நடிக்க ஒப்பந்தம் செய்யப்பட்டிருப்பதாக அப்படக்குழு அறிவித்திருக்கிறது. இவர் தற்போது ரஜினியின் ஜெயிலர்-2 படத்தில் நடித்து வருகிறார் என்பது குறிப்பிடத்தக்கது.