இந்த வார ராசிபலன்:-

மேஷம்

மனதில் உள்ள எண்ணத்தை வெளிக்காட்டாத சுபாவம் கொண்ட மேஷ ராசியினருக்கு இந்த வாரம் ராசியதிபதி சஞ்சாரம் காரணமாக மனதிற்கு இனிய சம்பவங்கள் நிகழும்.

தொழில்துறையினர், வியாபாரிகளுக்கு இது லாபகரமான காலகட்டம். உத்தியோகஸ்தர்கள் பணி சம்பந்தமான விஷயங்களில் அதிக ஆர்வக்கோளாறு கொள்ளக் கூடாது.

ரியல் எஸ்டேட், ஷேர் மார்க்கெட் துறையினர் தகவல் தொழில்நுட்ப வசதிகளால் தொழில் விருத்தி அடைவர். மாணவர்களுக்கு வெளிநாட்டு உயர் கல்வி, வெளிநாட்டுப் பணி குறித்த எண்ணங்கள் உருவாகும்.

ஜலதோஷம், இருமல் ஏற்பட்டு மருத்துவ சிகிச்சையால் அகலும். ஆதரவற்ற முதியோர்களுக்கு காலணிகள் வாங்கித் தருவதால், உடன் பிறந்தோருக்கு பரிசுகள் வழங்குவதால் நன்மை ஏற்படும்.

ரிஷபம்

லட்சிய நோக்குடன், கடினமாக உழைத்து வாழ்க்கையில் முன்னேறும் ரிஷப ராசியினருக்கு இந்த வாரம் சுக்கிரன், செவ்வாய் ஆகிய கிரக அமைப்புகளால் எதிர்பாராத நன்மைகள் வந்து சேரும்.

தொழில் துறையினர், வியாபாரிகள் முதலீடு செய்வதில் திட்டமிட்டு செயல்பட்டால் வெற்றி பெறலாம். உத்தியோகஸ்தர்கள் மேலதிகாரிகளை அனுசரித்து நடந்து காரிய வெற்றி பெற வேண்டும்.

ரியல் எஸ்டேட், ஷேர் மார்க்கெட் துறையினர் புதிய முதலீடுகளை செய்யலாம். மாணவர்கள் விருப்பப்பாட தேர்வுகள், விளையாட்டுப் போட்டிகளில் சிறப்பான வெற்றி பெறுவர்.

அடிவயிற்று பகுதியில் வலி ஏற்பட்டு மருத்துவ சிகிச்சை மூலம் அகலும். உடல் உழைப்பு தொழிலாளர்கள், துப்புரவு பணியாளர்களுக்கு அன்னதானம், ஆடைதானம் செய்தால் நன்மை ஏற்படும்.

மிதுனம்

வேடிக்கையும், தன்னிச்சையான மனநிலையும் கொண்ட மிதுன ராசியினர் சனி ராகு ஆகிய கிரகங்களின் அமைப்பால் இந்த வாரம் சுறுசுறுப்பாக செயல்பட்டு காரிய வெற்றி அடைவர்.

தொழில்துறையினர், வியாபாரிகள் புது இடங்களில் கிளைகளை தொடங்க வாய்ப்பு கிடைக்கும். உத்தியோகஸ்தர்கள் உழைப்பிற்கு ஏற்ற அங்கீகாரமும், ஊதிய உயர்வும் பெறுவார்கள்.

ரியல் எஸ்டேட், ஷேர் மார்க்கெட் துறையினர் புதிய மற்றும் வெளிநாட்டு பங்குதாரர்கள் மூலம் ஆதாயம் பெறுவர். மாணவர்கள் பெற்றோர் ஆதவுடன் புதுமையாக சிந்தித்து, திறமையாக செயல்பட்டு பாராட்டு பெறுவர்.

காய்ச்சல், கை-கால் வலி ஏற்பட்டு மருத்துவ சிகிச்சை மூலம் குணமடையும். அறுவை சிகிச்சை செய்து கொண்ட ஏழை, எளியோருக்கு மருந்துகள், பொருளுதவி செய்வதால் நன்மைகள் ஏற்படும்.

கடகம்

மற்றவர் வெற்றியில் மனம் மகிழும் வெள்ளை இதயம் கொண்ட கடக ராசியினருக்கு, சனி, சுக்கிரன் ஆகிய கிரக அமைப்பால் இந்த வாரம் மகிழ்ச்சியான சம்பவங்கள் நடக்கும்.

தொழில்துறையினர், வியாபாரிகள் நீண்ட நாட்களாக திட்டமிட்ட விஷயங்களை வெற்றிகரமாக செய்து முடிப்பர். தனியார் உத்தியோகஸ்தர்கள் பணியிடத்தில் புதிய மாற்றங்களை எதிர்கொள்வர்.

ரியல் எஸ்டேட், ஷேர் மார்க்கெட் துறையினர் திட்டமிட்டு முதலீடு செய்து நல்ல லாபம் அடையலாம். மாணவர்கள் யோகாசனம், மூச்சுப்பயிற்சி ஆகியவற்றை கற்கும் வாய்ப்புகள் உண்டாகும்.

அடிவயிற்றில், மார்பில் வலி ஏற்பட்டால் மருத்துவரின் ஆலோசனை பெறுவது அவசியம். வீட்டுக்கு அருகிலுள்ள கோவிலுக்கு பால், வெள்ளை மலர் மாலை வாங்கி தருவதால் மனதில் நினைத்தது நடக்கும்.

சிம்மம்

நட்பையும், உறவையும் ஒரு சேர சமாளித்து வாழ்க்கை நடத்தும் சிம்ம ராசியினருக்கு குரு, சுக்கிர சஞ்சாரத்தால் இந்த வாரம் மனதில் நினைத்த காரியங்கள் எண்ணியபடியே நடந்தேறும்.

தொழில் துறையினர், வியாபாரிகள் நீண்ட நாளாக எதிர்பார்த்த முன்னேற்றத்தை அடைவர். உத்தியோகஸ்தர்கள் தங்கள் பணிகளில் வழக்கத்தை விட கவனமாக செயல்பட வேண்டும்.

ரியல் எஸ்டேட், ஷேர் மார்க்கெட் துறையினர் புதிய முதலீடுகளை இவ்வாரம் தவிர்க்க வேண்டும். மாணவர்கள் புதிய விளையாட்டு, தொழில் நுட்பங்களை கற்றுக்கொள்வர்.

வெளியிடங்களில் சுகாதாரமற்ற நிலையில் எந்தவித திரவ வகைகளையும் பருக வேண்டாம். கன்றுடன் கூடிய பசு மாட்டுக்கு அகத்திக்கீரை, வெண்பூசணி கொடுப்பதன் மூலம் நன்மைகள் வந்து சேரும்.

கன்னி

கொள்கையில் சமரசம் செய்து கொள்ளாத மனம் கொண்ட கன்னி ராசியினருக்கு இந்த வாரம் சுப பலம் பெற்ற ஆறாம் இடத்தால் திடீர் வெற்றி கிடைக்கும். வேலையற்றோருக்கு வேலை கிடைக்கும்.

தொழில்துறையினர், வியாபாரிகள் கடந்த கால அனுபவ அடிப்படையில் செயல்பட்டு விற்பனையை அதிகரிப்பர். உத்தியோகஸ்தர்கள் அலுவலகப் பணிகளில் உள்ள ரகசியங்களை காக்க வேண்டும்.

ரியல் எஸ்டேட், ஷேர் மார்க்கெட் துறையினர் அளவாக முதலீடு செய்யலாம். மாணவர்கள் ஆசிரியர் வழிகாட்டுதலுடன் கூடுதல் கவனத்தோடு பாடங்களை படிக்க வேண்டும்.

அலைச்சல் காரணமாக உடல் சோர்வு ஏற்பட்டு ஓய்வெடுப்பதால் விலகும். ஆசிரியர்கள், குரு நிலையில் இருப்பவர்களுக்கு பரிசுகள், பழங்கள் வழங்கி, ஆசி பெற்றால் நன்மை அடையலாம்.

துலாம்

குழந்தை போன்று பாசமாக பழகும் தன்மை உடைய துலாம் ராசியினர் இந்த வாரம் அமைதியாகவும், மௌனமாகவும் இருந்து காரிய வெற்றி பெற வேண்டும்.

தொழில்துறையினர், வியாபாரிகள் நன்றாக திட்டமிட்டு வர்த்தகத்தை விரிவாக்கம் செய்யலாம். உத்தியோகஸ்தர்கள் திடீர் செலவுகளை கடன் பெற்று சமாளிப்பர்.

ரியல் எஸ்டேட், ஷேர் மார்க்கெட் துறையினர் இந்த வாரம் புதிய முதலீடுகளை தவிர்க்க வேண்டும். மாணவர்கள் சக நண்பர் வீட்டு விசேஷங்களில் உற்சாகமாக பங்கேற்பார்கள்.

மருத்துவ சிகிச்சை பெறுபவர்கள் மருந்துகளை வேளாவேளைக்கு சரியாக எடுத்துக்கொள்ள வேண்டும். உடன் பிறந்தவர்களுக்கு பரிசுப் பொருட்கள், புத்தாடைகளை பரிசளிப்பதன் மூலம் நன்மைகள் வந்து சேரும்.

விருச்சிகம்

கடின உழைப்பும், படைப்புத் திறனும், கொண்ட விருச்சிக ராசியினருக்கு ஆன்மிக, தர்ம காரியங்கள் மூலமாக இந்த வாரம் சமூக அந்தஸ்தும், மதிப்பும் அதிகரிக்கும்.

தொழில்துறையினர், வியாபாரிகள் வெளியூர் பிரயாணங்களை மேற்கொள்வர். உத்தியோகஸ்தர்களின் கூடுதல் வேலைப்பளுவை சக ஊழியர்கள் பகிர்ந்து கொள்வர்.

ரியல் எஸ்டேட், ஷேர் மார்க்கெட் துறையினர் எதிர்பார்த்த லாபத்தை இவ்வாரம் பெறுவர். மாணவர்கள் பெற்றோருக்கு உதவியாக பல்வேறு குடும்ப பணிகளில் ஈடுபடுவர்.

தலைசுற்றல், மயக்கம் ஆகியவை ஏற்பட்டால் உடனே மருத்துவரது ஆலோசனை பெறுவது அவசியம். இஷ்ட தெய்வத்துக்கு பால் அபிஷேகம் செய்து மஞ்சள் நிற பூமாலை சூட்டி பிராத்தனை செய்தால் நல்லது நடக்கும்.

தனுசு

மகிழ்ச்சியில் துள்ளலாகவும், துன்பத்தில் சோர்வாகவும் காட்சியளிக்கும் தனுசு ராசியினர் இந்த வாரம் தேக்க நிலையிலிருந்து மீண்டு, புதிய முயற்சிகளில் எதிர்பார்த்த வெற்றி பெறுவர்.

தொழில்துறையினர், வியாபாரிகள் தடை தாமதங்களை சந்தித்தாலும் லாபம் குறையாது. உத்தியோகஸ்தர்கள் துறைசார்ந்த மேலதிகாரிகளின் ஆதரவை பெற்று மகிழ்வர்.

ரியல் எஸ்டேட், ஷேர் மார்க்கெட் துறையினருக்கு அரசாங்க வழிகளில் ஆதாயம் உண்டு. மாணவர்கள் படிப்பிலும், விளையாட்டுப் போட்டிகளிலும் தங்கள் திறமைகளை வெளிப்படுத்துவர்.

கைகால் வலி, உடல் அசதி ஏற்பட்டு மருத்துவ சிகிச்சையால் சரியாகும். ஆதரவற்ற அனாதை குழந்தைகள், இளம் பெண்களுக்கு பொருளுதவி, பண உதவி செய்வது நன்மைகளை தரும்.

மகரம்

பிடிக்காத நபர்களை பிடிக்கவில்லை என நேருக்கு நேராக சொல்லும் துணிச்சல் கொண்ட மகர ராசியினருக்கு இந்த வாரம் காரியத்தடைகள் அகன்று, மனதில் புதிய நம்பிக்கை ஏற்படும்.

தொழில்துறையினர், வியாபாரிகள் அனுபவத்துடன் செயல்பட்டு எதிர்பார்த்த லாபம் பெறுவார்கள். உத்தியோகஸ்தர்கள் புதிய பொறுப்புகளை ஏற்பதால், உயர் அதிகாரிகளின் ஆதரவை பெறுவர்.

ரியல் எஸ்டேட், ஷேர் மார்க்கெட் துறையினர் புதிய முதலீடுகளை தைரியமாக மேற்கொள்ளலாம். மாணவர்கள் படிப்பில் தனித்திறமைகளை வெளிப்படுத்தி நல்ல பதிப்பெண்கள் பெறுவர்.

மன உளைச்சல், உழைப்பு காரணமாக அசதி ஏற்பட்டு, ஓய்வு அவை எடுப்பதால் சரியாகும். நாகாத்தம்மன் அல்லது புற்று கோவில் பூஜைக்குரிய பால், வெள்ளை நிற மலர்கள் வழங்கிட நன்மை ஏற்படும்.

கும்பம்

நேர்மறையாகவும், துணிச்சலாகவும் செயல்பட்டு வெல்லும் தன்மையுள்ள கும்ப ராசியினருக்கு இந்த வாரம் சுக்கிரன், குரு ஆகிய கிரக சஞ்சாரத்தால் புதிய தொடர்புகள், மனதில் நம்பிக்கை ஏற்படும்.

தொழில்துறையினர், வியாபாரிகள் கடந்த கால சிக்கல்களிலிருந்து விலகி தெளிவு அடைவர். உத்தியோகஸ்தர்கள் முன்னதாகவே திட்டமிட்டு தங்கள் பணிகளை செய்து முடிப்பர்.

ரியல் எஸ்டேட், ஷேர் மார்க்கெட் பிரிவினர் புதிய முதலீடுகளை செய்தால் எதிர்கால நன்மை பெறலாம். மாணவர்கள் வேடிக்கை விளையாட்டுகளில் இருந்து விலகி பாடத்தில் கவனம் செலுத்த வேண்டும்.

ஜீரணக் கோளாறு, மலச்சிக்கல் ஏற்பட்டு சிகிச்சையால் விலகும். தூய்மைப் பணியாளர்களுக்கு காலணி, ஆடை, அன்னதானம் அளிப்பதன் மூலம் நன்மைகள் வந்து சேரும்.

மீனம்

வெளிப்படையாகவும், வேடிக்கையாகவும் மற்றவர்களிடம் தொடர்பு கொள்ளும் இயல்புள்ள மீன ராசியினருக்கு சுக்கிரன், புதன் கிரக சஞ்சாரத்தால் அலைச்சல்களுக்கு பின்னர் காரிய வெற்றி ஏற்படும்.

தொழில் துறையினர், வியாபாரிகள் கொள்முதல் செய்யும்போது வழக்கத்தை விட குறைவாக செய்யவும். உத்தியோகஸ்தர்கள் அலுவலகத்தில் மனதிற்கு ஏற்ற சூழலில் பணியாற்றுவர்.

ரியல் எஸ்டேட், ஷேர் மார்க்கெட் துறையினர் முதலீடுகளில் நல்ல லாபத்தை அடைவர். மாணவர்கள் ஆசிரியர்களது ஆசிகளை பெறுவது தேர்வுகளின் வெற்றிக்கு வழிவகுக்கும்.

அடிக்கடி பயணம் செய்வதால் உடலில் அசதி ஏற்பட்டு ஓய்வு எடுப்பதன் மூலம் விலகும். வெண்மை நிற பசுக்களுக்கு அருகம்புல், வெண்பூசணி சாப்பிட கொடுப்பதால் நன்மை ஏற்படும்.