வார ராசிபலன் 23.03.2025 முதல் 29.03.2025 வரை

இந்த வார ராசி பலன்

2025 மார்ச் 23 முதல் 29 தேதி வரை (பங்குனி 9 முதல் 15 தேதி வரை) வார ராசி பலன்

மேஷம்

எந்த விஷயத்தையும் உணர்வுபூர்வமாக அணுகி செயல்பட்டு காரிய சித்தி அடையும் மேஷம் ராசியினருக்கு இந்த வாரம் தொடங்கிய காரியங்களில் வெற்றி கிடைக்கும். குடும்ப பொருளாதார நிலையை பொறுத்தவரை எதிர்பார்த்த பண வரவுகள் தாமதம் ஆனாலும் வந்து சேர்ந்துவிடும்.

லேத், இரும்பு தொழில் துறையினர், சந்தை வியாபாரிகள் புதிய இலக்குகளை நிர்ணயம் செய்து சுறுசுறுப்பாக செயல்படுவார்கள். அரசு உத்தியோகஸ்தர்கள் எதிர்பாராத நல்ல மாற்றங்களை பணியிடங்களில் சந்திப்பார்கள்.

ரியல் எஸ்டேட் துறையினர் நன்மை பெறும் நேரம் நெருங்கிவிட்டது. ஷேர் மார்க்கெட் பிரிவினர் எரிவாயு நிறுவன பங்குகளில் ஆதாயம் அடைவர். பள்ளி, கல்லூரி மாணவர்கள் எதிர்காலம் குறித்த நல்ல வழிகாட்டுதல்களைப் பெறுவர்.

முட்டி வலி, ஜலதோஷம், தலைவலி ஏற்பட்டு தக்க மருத்துவ சிகிச்சையால் குணமாகும். பெருமாள் கோவிலுக்கு வரும் பக்தர்களுக்கு சர்க்கரை பொங்கல் அல்லது இனிப்புகள் தானமாக அளிப்பதன் மூலம் பல நன்மைகள் நாடி வரும்.

ரிஷபம்

பொறுமையால் மற்றவர்களுக்கு உதாரணமாக திகழும் ரிஷபம் ராசியினர் இந்த வாரம் மற்றவர்களுடன் பேசுவதில் கவனமாக இருக்க வேண்டும். குடும்ப பொருளாதார நிலையை பொறுத்த வரை கடந்த கால சிக்கல்கள் படிப்படியாக விலகும்.

உற்பத்தி தொழில் துறையினர், எலக்ட்ரானிக், எலக்ட்ரிகல் பொருள் வியாபாரிகள் புதிய முதலீடு செய்து தொழில் விரிவாக்க பணிகளை மேற்கொள்ளலாம். அரசாங்க உத்தியோகஸ்தர்கள் உத்தியோகம் சம்பந்தப்பட்ட உயர் அதிகாரிகளின் தொடர்பு மூலம் நன்மைகளை பெறுவார்கள்.

ரியல் எஸ்டேட் துறையினர் தொழில் விருத்தி அடைவர். ஷேர் மார்க்கெட் பிரிவினர் கட்டிட பொருள் தயாரிப்பு நிறுவன பங்குகளில் லாபம் அடைவர். விளையாட்டுகளில் திறமை பெற்ற பள்ளி, கல்லூரி மாணவர்கள் தங்கள் கல்வி நிறுவனங்களுக்கு புகழ் சேர்ப்பர்.

வயிற்று கோளாறு மற்றும் முதுகுவலி ஏற்பட்டு தக்க மருத்துவ சிகிச்சையால் விலகும். முக்கியமான விஷயங்களில் பங்கேற்கும் போதும், பயணம் செல்லும் போதும் மஞ்சள், வெள்ளை நிற ஆடைகளை அணிந்து செல்வது காரிய சித்தி தரும்.

மிதுனம்

எந்த விஷயத்தையும் அறிவுபூர்வமாக அணுகும் இயல்பு கொண்ட மிதுனம் ராசியினருக்கு இந்த வாரம் காரிய வெற்றி ஏற்படும் காலகட்டம். குடும்ப பொருளாதார நிலையை பொறுத்தவரை புதிய கடன் வாங்காமல் சமாளித்து விடுவீர்கள்.

ஏற்றுமதி தொழில் துறையினர், பால், கால்நடை வியாபாரிகள் நீண்ட நாட்களாக மனதில் வைத்திருந்த திட்டங்களை நிறைவேற்றுவார்கள். தனியார் உத்தியோகஸ்தர்கள் திறமைக்கேற்ற பாராட்டுகளை நிர்வாகத்தினர் மூலம் பெறுவார்கள்.

ரியல் எஸ்டேட் துறையினர் நீர்நிலை பகுதிகளில் புதிய திட்டங்களை தொடங்குவார்கள். ஷேர் மார்க்கெட் பிரிவினர் வெளிநாட்டு பங்குகளில் ஆதாயம் பெறுவர். பள்ளி, கல்லூரி மாணவர்கள் புதிய தொழில்நுட்பங்களை கற்றுக் கொள்ளும் சந்தர்ப்பம் ஏற்படும்.

வெளியிடங்களுக்கு செல்லும் பொழுது சுகாதாரமான சூழலில் உணவு, தண்ணீர் உள்ளிட்ட பானங்களை பருகுவது அவசியம். அம்மன் கோவில் மூலவர் பூஜைக்கு வாசனாதி திரவியங்கள், பூக்கள் வாங்கித் தருவது, அபிஷேகம் செய்வது ஆகியவை பல நன்மைகளை அளிக்கும்.

கடகம்

பணத்தைவிட பாசமே முக்கியம் என்ற சிந்தனை கொண்ட கடகம் ராசியினருக்கு மனதில் புதிய தெளிவு பிறந்து பல குழப்பங்கள் அகலும். இல்லத்தரசிகள் பழைய கடன்களை திருப்பி செலுத்துவதில் முனைப்பாக இருப்பார்கள்.

உணவக, லாட்ஜ் தொழில்துறையினர், ஆபரண, ஆடை வியாபாரிகள் பல நல்ல மாற்றங்களை எதிர்கொண்டு முன்னேற்றப் பாதையில் நடையிடுவர். அரசு, தனியார் உத்தியோகஸ்தர்கள் இதுவரை சந்தித்த தடை தாமதங்கள் விலகி பதவி உயர்வு பெறுவார்கள்.

ஷேர் மார்க்கெட் பிரிவினர் வேளாண் நிறுவன பங்குகளில் லாபம் அடைவார்கள். ரியல் எஸ்டேட் துறையினர் பெருநகரங்களில் கட்டுமான திட்டங்களை

தொடங்குவர். பள்ளி, கல்லூரி மாணவர்கள் தங்களுடைய பொறுப்புகளை உணரும் காலகட்டம் இது.

பணிச்சுமை காரணமாக உடல் அசதி, மனதில் சோர்வு ஏற்படும் அதனால் தக்க ஓய்வு மற்றும் மருத்துவ சிகிச்சையை மேற்கொள்ள வேண்டும். ராகு காலங்களில் துர்க்கை அல்லது தாயாருக்கு குங்கும அர்ச்சனை செய்வது நல்ல பலன்களை தரும்.

சிம்மம்

கோபம் உள்ள இடத்தில் குணம் இருக்கும் என்ற வாக்கியத்திற்கு உதாரணமாக இருக்கும் சிம்ம ராசியினருக்கு இந்த வாரம் நீண்ட நாட்களாக தடைபட்ட காரியங்கள் நிறைவேறும் காலகட்டம். குடும்ப நிலையை பொறுத்தவரை அனைவரையும் அனுசரித்து சிக்கல்களை சமாளிப்பீர்கள்.

வண்டி, வாகன போக்குவரத்து தொழில்துறையினர், தானியம், உணவுப்பொருள் வியாபாரிகள் பல தடை தாமதங்களை சந்தித்து எதிர்பார்த்த லாபம் பெறுவார்கள். அரசு உத்தியோகஸ்தர்கள் பொறுமையாக இருந்ததற்கான பலனை அடைவார்கள்.

ரியல் எஸ்டேட் பிரிவினர் கடன்களை தீர்க்கும் காலம் கைகூடிவிட்டது. ஷேர் மார்க்கெட் பிரிவினர் ஹோட்டல் தொழில் நிறுவன பங்குகளில் லாபம். அடைவார்கள். பள்ளி, கல்லூரி மாணவர்கள் எக்ஸ்ட்ரா கரிகுலர் ஆக்டிவிட்டிகளில் சாதனை புரிவர்.

ஜலதோஷம், காய்ச்சல், கை-கால் வலி ஏற்பட்டு மருத்துவ சிகிச்சையால் விலகும். ஆதரவற்றோருக்கு அல்லது அனாதை ஆசிரம முதியோர்களுக்கு ஆடை அல்லது அன்னதானம் செய்வது பல நன்மைகளை தரும்.

கன்னி

தான் சிரமப்பட்டாலும் மற்றவர்கள் மகிழ்ச்சியாக இருக்க வேண்டும் என்ற எண்ணம் கொண்ட கன்னி ராசியினருக்கு இந்த வாரம் பல்வேறு தடை தாமதங்களுக்கிடையில் நினைத்த காரியங்கள் நிறைவேறும். பொருளாதார நிலையை பொறுத்தவரை செலவுகள் கட்டுக்குள் இருக்கும்.

ஏஜென்சி, கன்சல்டிங் தொழில் துறையினர், சகல தகவல் தொடர்பு பொருள் வியாபாரிகள் எதிர்பாராத செலவுகளை சந்தித்து சுமுகமாக சரி செய்வார்கள். தனியார் உத்தியோகஸ்தர்கள் அலுவலகப் பணிகளில் மற்றவர்களை நம்பி இல்லாமல் தாங்களே களத்தில் இறங்கி பணியாற்ற வேண்டும்.

ரியல் எஸ்டேட் துறையினர் அடுக்குமாடி குடியிருப்பு திட்டங்களில் முதலீடு செய்வார்கள். ஷேர் மார்க்கெட் பிரிவினர் அரசு சார்ந்த பங்குகளில் ஆதாயம் பெறுவார்கள். பள்ளி, கல்லூரி மாணவர்கள் பாடங்களில் கவனம் செலுத்தி கற்க வேண்டிய காலகட்டம்.

மசாலா, பாஸ்ட் புட் வகைகளை உண்பதை தவிர்க்க வேண்டும் அதனால் வயிற்று கோளாறுகள், அஜீரணம் ஆகியவை ஏற்படுவதை தவிர்க்கலாம். ஆசிரியர்களை வணங்கி பரிசுகள் அளித்து அவர்கள் ஆலோசனை, ஆசிகளை பெறுவது பல நன்மைகளை ஏற்படுத்தும்.

துலாம்

எதிரிகளும் பாராட்டக்கூடிய செயல் திறன் படைத்த துலாம் ராசியினருக்கு இந்த வாரம் விடாமுயற்சியோடு செயல்பட்டு வெற்றி பெறவேண்டிய காலகட்டம். குடும்ப நிலையை பொறுத்தவரை உறவுகளை அனுசரித்து செல்வதோடு, செலவுகளையும் கட்டுக்குள் வைக்க வேண்டும்.

ஓட்டல், லாட்ஜ் தொழில் துறையினர், மீன், பால், கால்நடை வியாபாரிகள் திட்டமிட்ட லாபத்தை பெற இரவு பகல் பாராமல் உழைக்க வேண்டும். அரசு உத்தியோகஸ்தர்கள் மேலதிகாரிகள் ஆதரவால் பதவி உயர்வு பெறுவார்கள்.

இவ்வாரம் ரியல் எஸ்டேட், ஷேர் மார்க்கெட் பிரிவினருக்கு பிரகாசமான வாய்ப்புகள் கதவை தட்டும். பள்ளி, கல்லூரி மாணவர்கள் பாடங்களில் வழக்கத்தை விட கூடுதல் கவனம் செலுத்தி படிக்க வேண்டும்.

உறவினர்களால் மன உளைச்சல் ஏற்பட்டு உடல் சோர்வு இருந்தால் மருத்துவ சிகிச்சை பெற வேண்டும். வீடுகளில் மாலை நேரங்களிலும் குங்கிலியம் தூபம் இடுவதும், நரசிம்ம மந்திரம் ஒலிக்கச் செய்வதன் மூலமும் நன்மைகள் ஏற்படும்.

விருச்சிகம்

மற்றவர் மனதில் ஓடும் எண்ணங்களை சுலபமாக அறிந்து கொள்ளும் விருச்சிக ராசியினருக்கு இந்த வாரம் உறவினர்களாலும், நண்பர்களாலும் எதிர்பார்த்த நன்மைகள் கிடைக்கும். குடும்ப நிலையை பொறுத்தவரை எதிர்பாராத செலவு ஏற்பட்டாலும் எப்படியோ சமாளித்து விடுவீர்கள்.

மின்னணு, மின் சாதன உற்பத்தி தொழில்துறையினர், வண்டி, வாகன வியாபாரிகள் நீண்ட நாட்களாக திட்டமிட்ட தொழில் விரிவாக்க பணிகளை மேற்கொள்வர். தனியார் உத்தியோகஸ்தர்கள் திறமையாக செயல்பட்டு நிர்வாகத்தின் பாராட்டு பெறுவார்கள்.

ரியல் எஸ்டேட், ஷேர் மார்க்கெட் பிரிவினர் திட்டமிட்டு புது முதலீடுகளை செய்ய காலம் கனிந்துள்ளது. பள்ளி, பள்ளி கல்லூரி மாணவர்கள் தங்களுடைய எதிர்கால லட்சியத்தை உருவாக்கிக் கொள்வதற்கான வழிகாட்டுதல் கிடைக்க பெறுவார்கள்.

காய்ச்சல், கை-கால் வலி ஏற்பட்டு மருத்துவ சிகிச்சைக்கு பிறகு அகலும். இரவு அதிக நேரம் கண் விழிப்பதை தவிர்க்கவும். வெளியூர் போகும்போது டார்க் கலர் ஆடை அணிவதை தவிர்ப்பது, ஆதரவற்ற பெண்களுக்கு பொருளுதவி செய்வதும் நன்மைகளை ஏற்படுத்தும்.

தனுசு

மற்றவர்களுடைய குறைகளை பெரிதுபடுத்தாமல் நிறைகளை போற்றும் தனுசு ராசியினர் இந்த வாரம் வாழ்க்கைத் துணையுடன் வாத விவாதங்களை தவிர்க்க வேண்டும். குடும்ப பொருளாதார நிலையை பொறுத்தவரை செலவுகள் அதிகரித்தாலும் அதற்கேற்ற வரவும் உண்டு.

பல தடை தாமதங்களை சந்தித்து வந்த அச்சகம், பதிப்பு தொழில் துறையினர், நவரத்தின, ஆடை-ஆபரண வியாபாரிகள் முன்னேற்றம் அடைவர். தனியார் உத்தியோகஸ்தர்கள் எதிர்பார்த்த ஊதிய உயர்வு பெற்று உற்சாகம் அடைவர்.

ரியல் எஸ்டேட் துறையினர் கட்டுமான பணிகளை நேரில் பார்வை செய்யவும். ஷேர் மார்க்கெட் பிரிவினருக்கு தொழிலில் புதிய தொடர்புகளால் லாபம் ஏற்படும். பள்ளி, கல்லூரி மாணவர்கள் நண்பர்களோடு உற்சாகமாக பயணம் செல்லும்போது கவனமாக இருக்க வேண்டும்.

பல இடங்களிலும் காலம் தவறி உணவு உண்பதால் வயிற்றுக் கோளாறு, தொண்டை வலி ஏற்பட்டு மருத்துவ சிகிச்சையால் அகலும். பள்ளி மாணவ, மாணவியர்களுக்கு எழுதுபொருள்கள், நோட்டு புத்தகங்கள் வாங்கி தந்தால் நன்மைகள் ஏற்படும்.

மகரம்

மனதில் அவசரம் இருந்தாலும் பொறுமையாக செயல்பட வேண்டும் என்ற தீர்மானத்தோடு நடந்து கொள்ளும் மகர ராசியினர் இந்த வாரம் திட்டமிட்ட காரியங்களை நடத்தி முடிப்பார்கள். செலவுகள் அதிகரித்தாலும் அதற்கேற்ற வரவும் இருப்பதால் குடும்பத்தில் மகிழ்ச்சி நிலவும்.

லேத் பட்டறை, மெக்கானிக் தொழில்துறையினர், காகிதம், சந்தை, சாலையோர வியாபாரிகள் தடை தாமதங்களை சந்தித்தாலும் அவற்றை வெற்றிகரமாக கடந்து

செல்வார்கள். அதிகாரம் மிக்க பதவிகளில் உள்ள அரசாங்க உத்தியோகஸ்தர்கள் சங்கடங்களை சந்தித்து வெற்றி கொள்வார்கள்.

ரியல் எஸ்டேட் துறையினர் புதிய முதலீடுகளை செய்யலாம். ஷேர் மார்க்கெட் பிரிவினர் எண்ணெய், பெட்ரோல் நிறுவன பங்குகளில் லாபம் பெறுவர். மாணவர்களுக்கு வார விடுமுறை உற்சாகமாக இருக்கும். அவர்கள் மற்றவர் விவகாரங்களில் தலையிடுவதை எச்சரிக்கையாக தவிர்க்க வேண்டும்.

வெயிலில் அலைவதால் மன உளைச்சல், தலைவலி, முதுகுவலி ஏற்பட்டு தக்க மருத்துவத்தால் குணமாகும். ஆதரவற்ற வயதான பெண்மணிகளுக்கு ஆடைதானம், அன்னதானம் செய்து அவர்கள் ஆசிகளை பெறுவது நன்மைகளை தரும்.

கும்பம்

சுயநலத்திலும் பொது நலனை முக்கியமாக கருதும் கும்பம் ராசியினர் இந்த வாரம் நண்பர்களால் நன்மை அடைவார்கள். குடும்ப நிலையை பொறுத்தவரை சிக்கல்களை சுலபமாக சரி செய்து விடுவீர்கள்.

வேளாண் தொழில் துறையினர், தானியம், எண்ணெய் வியாபாரிகள் தங்களுடைய தொழில் விரிவாக்க முயற்சிகளை சிறிது காலம் ஒத்தி வைக்க வேண்டும். தனியார் உத்தியோகத்தில் இருப்பவர்கள் தங்களுடைய பணிகளில் வழக்கத்தை விட கூடுதல் கவனம் செலுத்த வேண்டும்.

ரியல் எஸ்டேட் துறையினர் புதிய வாடிக்கையாளர்கள் கிடைக்கப் பெறுவர். ஷேர் மார்க்கெட் பிரிவினர் எரிவாயு நிறுவன பங்குகளில் லாபம் அடைவர். பள்ளி, கல்லூரி மாணவர்கள் பழைய மனஸ்தாபங்களை மனதில் கொள்ளாமல் நண்பர்களை அனுசரித்து செல்ல வேண்டும்.

தலைசுற்றல், மயக்கம் ஏற்பட்டால் தக்க மருத்துவ சிகிச்சை, ரத்த பரிசோதனை செய்து கொள்ள வேண்டும். மன அமைதி முக்கியம். சிவன் திருக்கோவில் கருவறை தீபத்திற்கு நெய் அல்லது நல்லெண்ணெய் மற்றும் ஊதுபத்தி வாங்கி தருவது நன்மைகளை தரும்.

மீனம்

பிறருடன் கொள்ளும் நட்பில் ஏற்றத்தாழ்வு பார்க்காமல் அவர்களுக்கு உரிய மதிப்பை கொடுக்கும் மீனம் ராசியினருக்கு இந்த வாரம் எதிர்பாராத நன்மைகள் வீட்டு கதவை வந்து தட்டும். குடும்ப பொருளாதார நிலையை பொறுத்தவரை பழைய கடன்களை திருப்பி செலுத்தும் காலகட்டம் இது.

எந்திர, கணினி பாக உற்பத்தி தொழில் துறையினர், தங்க நகை, நவரத்தின வியாபாரிகள் எதிர்பாராத தடை தாமதங்களை சந்தித்து அதை வெற்றிகரமாக கடந்து செல்வர். அரசு உத்தியோகஸ்தர்கள் அலுவலக ரீதியான புதிய தொழில்நுட்பங்களை கற்றுக் கொள்வதற்கான வாய்ப்புகள் உருவாகும்.

ரியல் எஸ்டேட் துறையினருக்கு நல்ல நேரம் தொடங்கிவிட்டது. ஷேர் மார்க்கெட் பிரிவினர் பெட்ரோலிய நிறுவன பங்குகளில் லாபம் அடைவர். பள்ளி, கல்லூரி மாணவர்கள் எதிர்காலம் முன்னேற்றத்திற்கான புதிய தொழில்நுட்பங்களை கற்பர்.

நேரத்துக்கு சாப்பிடாமல் வயிற்று உபாதைகள் ஏற்பட்டு மருத்துவ சிகிச்சையால் விலகும். மருந்து மாத்திரை எடுத்துக்கொள்வோர் தவறாமல் எடுத்துக்கொள்ள வேண்டும். அனாதை பெண்களுக்கு ஆடைதானம், அன்னதானம் செய்வதன் மூலம் பல நன்மைகள் வந்து சேரும்.