வார ராசிபலன் 20.04.2025 முதல் 26.04.2025 வரை

இந்த வார ராசிபலன்:-

மேஷம்

வம்பு சண்டைக்கு போகாத, வந்த சண்டையை விடாத மன உறுதி கொண்ட மேஷம் ராசியினருக்கு இந்த வாரம் பயணங்கள் மூலம் பல நன்மைகள் வந்து சேரும். நீண்ட நாட்களாக எதிர்பார்த்த நல்ல விஷயங்கள் குடும்பத்தில் நடக்கும். நண்பர்களோடு சுற்றுலா சென்று மகிழ்வீர்கள்.

எந்திர தயாரிப்பு, ஓட்டல், ஏற்றுமதி-இறக்குமதி தொழிலில் உள்ளோருக்கு ஆதாயம் உண்டு. மளிகை, விவசாய விளைபொருள் வியாபாரிகளுக்கு எதிர்பார்த்த ஆதாயம் ஏற்படும். தனியார் மற்றும் தகவல் தொழில்நுட்பத் துறை ஊழியர்களுக்கு சம்பள உயர்வு கிடைக்கும்.

ரியல் எஸ்டேட் துறையினருக்கு புதிய வாடிக்கையாளர்கள் வந்து சேர்வார்கள். ஷேர் மார்க்கெட் பிரிவினர் மின்சாரம், நிலக்கரி நிறுவன பங்குகள் மூலம் ஆதாயம் பெறலாம். பள்ளி மற்றும் கல்லூரி மாணவ, மாணவியர் விசேஷங்களில் உற்சாகமாக கலந்து கொள்வார்கள்.

அஜீரணம், வயிற்று வலி போன்றவை ஏற்பட்டு மருத்துவம் மூலம் சீரடையும். வயது முதிர்ந்த பெரியோர்களுக்கு அன்னதானம் அல்லது ஆடை தானம் செய்தால் பல சிக்கல்கள் அகலும்.

ரிஷபம்

தன் மனதில் ஆயிரம் கவலைகள் இருந்தாலும், மற்றவர்களுடைய சிரமங்கள் குறித்து அக்கறையாக விசாரிக்கும் இனிய குணம் கொண்ட ரிஷபம் ராசியினருக்கு இந்த வாரம் மனதில் புதிய சிந்தனைகள் உருவாகும். மனதில் புதிய உற்சாகம் உருவாகும். நண்பர்கள் தேடி வந்து உதவி செய்து ஆச்சரியப்படுத்துவார்கள்.

எண்ணெய் வித்துக்கள், ஆடை ஆபரண தொழில் செய்பவர்கள் நல்ல முன்னேற்றம் அடைவார்கள். தண்ணீர் கேன் போடுபவர்கள், கேட்டரிங், மருந்துக்கடை வியாபாரிகள் புதிய முயற்சிகளை தவிர்க்க வேண்டும்.. வங்கிப் பணியாளர்கள், அரசு பணியாளர்கள் பணியிடத்தில் மதிப்பும் பதவி உயர்வும் பெறுவார்கள்.

ரியல் எஸ்டேட் துறையினர் சலுகைகளை அறிவித்து வர்த்தகத்தை அதிகரிப்பார்கள். ஷேர் மார்க்கெட் பிரிவினர் அரசுத்துறை, மின் நிறுவன பங்கு மூலம் ஆதாயம் பெறலாம். பள்ளி மற்றும் கல்லூரி மாணவர்கள் கம்ப்யூட்டர் தொழில்நுட்பம் தொடர்பான படிப்புகளில் இணைவார்கள்.

மனக்குழப்பம், தோளில் கொப்புளம் ஆகிய பாதிப்புகள் ஏற்பட்டு மருத்துவத்தால் அகலும். மருத்துவமனையில் சிகிச்சை பெரும் உறவினர்களை நேரில் சென்று பார்த்து ஆறுதல் சொல்வதும், மருத்துவ சிகிச்சைக்கு பொருள் உதவி செய்வதும் நன்மைகளைத் தரும்.

மிதுனம்

எந்த ஒரு விஷயத்தையும் மற்றவர்களது இடத்திலிருந்து கவனித்து புரிந்து கொள்ளும் நுணுக்கமான மனநிலை கொண்ட மிதுனம் ராசியினருக்கு இந்த வாரம் உறவுகளிடையே மதிப்பும் மரியாதையும் அதிகரிக்கும். நண்பர்கள் ஆதரவாக செயல்படுவார்கள். சுப காரியங்களில் முன்னென்று செயல்படுவீர்கள்.

ஏற்றுமதி-இறக்குமதி தொழில்கள், நம் கொடுக்கல்- வாங்கல் ஆகிய தொழில் செய்பவர்கள் புதிய முயற்சிகளை தவிர்க்கவும். பெட்டிக்கடை, வட்டி தொழில், கமிஷன் ஏஜென்சி நடத்துபவர்கள் லாபம் அடைவர். அரசுத்துறை உத்தியோகஸ்தர்கள் பணி மாற்றம் கிடைக்கப் பெறுவார்கள்.

ரியல் எஸ்டேட் துறையினர் இவ்வாரம் பெரிய வர்த்தகத்தை முடித்து லாபம் பெறுவார்கள். ஷேர் மார்க்கெட் துறையினர் தனியார் நிறுவன, பெட்ரோலிய நிறுவன பங்குகளால் லாபம் பெறலாம். பள்ளி, கல்லூரி மாணவர்கள் விளையாட்டில் திறமை காட்டுவார்கள்.

தலை சுற்றல், சளி, காய்ச்சல் ஏற்பட்டு சிகிச்சையால் நீங்கும். உடன்பிறந்தோர் மற்றும் நண்பர்கள் ஆகியோருக்கு மனம் மகிழும் வகையில் பரிசுகள் அளித்து இனிமையாக பேசுவதன் மூலம் பல சிக்கல்கள் விலகும்.

கடகம்

உறவுகளால் ஏமாற்றம் அடைந்தாலும், அவர்கள் மீது பற்றும் பாசமும் கொள்ளும் குழந்தை இயல்பு கொண்ட கடகம் ராசியினருக்கு உற்சாகமான காலகட்டம். சுபச் செலவுகள் உண்டு. உறவினர்களோடு இணைந்து சுற்றுலா செல்வது மற்றும் சமூக பொது காரியங்களில் ஈடுபடுவீர்கள்.

லேத் பட்டறை, விவசாயம், இரும்பு பொருள் உற்பத்தி தொழில் செய்வோர் எதிர்பார்த்த வளர்ச்சியை அடைவார்கள். கட்டுமான பொருள் விற்பனை, மளிகை கடை வியாபாரிகள் வளர்ச்சி பெறுவார்கள். தனியார் மற்றும் அரசு துறை பணியாளர்கள் உயர் அதிகாரியின் ஆதரவை பெறுவார்கள்.

ரியல் எஸ்டேட் துறையினருக்கு நீண்ட நாட்களாக எதிர்பார்த்த நன்மைகள் கைகூடி வரும். ஷேர் மார்க்கெட் பிரிவினர் வேளாண் விளைபொருள் ஏற்றுமதி நிறுவன, ரசாயன நிறுவன பங்குகள் மூலம் லாபம் உண்டு. பள்ளி, கல்லூரி மாணவர்கள் கல்விகிரவும் உயர்கல்விக்கான சர்டிபிகேட் படிப்புகளை மேற்கொள்வார்கள்.

நாக்கில் புண், காய்ச்சல் மற்றும் கை கால் வலி ஆகிய பாதிப்புகள் ஏற்பட்டு மருத்துவத்தால் குணமடையும். கோவிலுக்கு வரும் கன்னிப் பெண்களுக்கு இனிப்புகள் பிரசாதமாக வழங்குவதும், வயது முதிர்ந்த அசுமங்களை பெண்களுக்கு குங்குமம் கொடுத்து அவர்களுடைய ஆசிகளை பெறுவதும் பல நன்மைகளை ஏற்படுத்தும்.

சிம்மம்

கோபம் இருக்கும் இடத்தில் தான் குணம் இருக்கும் என்ற முதுமொழிக்கு உதாரணமாக உள்ள கம்பீர மனம் கொண்ட சிம்மம் ராசியினருக்கு இந்த வாரம் எதிர்பார்த்த தனவரவு வந்து சேரும். குடும்பத்தில் கருத்து வேறுபாடுகள் ஏற்பட்டு அகலும். உங்களுடைய உணர்வுகளை மற்றவர்களிடம் வெளிப்படுத்துவதில் கவனம் அவசியம்.

திரவப் பொருட்கள் விற்பனை, நிதி நிறுவனம் ஆகிய தொழிலில் உள்ளவர்களுக்கு ஆதாயம் உண்டு. ஆடை-ஆபரண பொருள், வேளாண் விளைபொருள் வியாபாரிகள் பணம் கொடுக்கல் வாங்கலில் கவனமாக இருக்க வேண்டும். தனியார் நிறுவன ஊழியர்கள் பணியில் கவனமாக இருக்க வேண்டும்.

ரியல் எஸ்டேட் துறையினர் விற்காமல் இருந்த கட்டிடங்களை விற்பனை இவருடன் புதிய திட்டங்களை தொடங்குவார்கள். ஷேர் மார்க்கெட் பிரிவினர் உயர்தர ஓட்டல் நிறுவன, அரசுத்துறை பங்குகள் மூலம் லாபம் பெறலாம். பள்ளி, கல்லூரி மாணவர்கள் தொழில் கல்வி, பொறியியல் கல்வி சம்பந்தமான வழிகாட்டுதல் கிடைக்கப் பெறுவார்கள்.

நாக்கு வறட்சி, தோல் பாதிப்பு மனக்குழப்பம் ஏற்பட்டு சிகிச்சையால் விலகும். சிவன் கோவிலுக்கு வரும் பக்தர்களுக்கு புளியோதரை பிரசாதமாக வழங்குவதும், தந்தை மற்றும் தந்தை வழி உறவினர்களுக்கு பரிசுகள் கொடுத்து ஆசைகளை பெறுவதும் பல நன்மைகளை தரும்.

கன்னி

தானுண்டு தன் வேலை உண்டு என்று இருந்தாலும் தன்னைச் சுற்றிலும் என்னென்ன விஷயங்கள் நடக்கின்றன என்பது குறித்து தெளிவாக தெரிந்து வைத்திருக்கும் நுட்பமான அறிவு படைத்த கன்னி ராசியினருக்கு இந்த வாரம் புதிய தொடர்புகள் மூலம் நன்மைகள் உண்டு. உறவினர் வருகை, சுப காரிய பேச்சு, சுபச்செலவு ஆகியவற்றில் உற்சாகமாக செயல்படுவீர்கள்.

உற்பத்தி துறை சார்ந்த தொழிலில் இருப்பவர்களுக்கு இது நல்ல காலகட்டம். கூட்டு முயற்சியாக வியாபாரம் செய்பவர்களுக்கு நல்ல லாபம் ஏற்படும். எந்தத் துறை வியாபாரியாக இருந்தாலும் வர்த்தக விரிவாக்கம் செய்வதற்கான சூழ்நிலை உருவாகிறது. தனியார் துறை ஊழியர்களுக்கு உயர் அதிகாரியின் சிபாரிசில் பதவி உயர்வு உண்டு.

ரியல் எஸ்டேட் துறையினர் புதிய கட்டுமான திட்டங்களை தொடங்கலாம். ஷேர் மார்க்கெட் பிரிவினர் வங்கிகள், தகவல் தொழில்நுட்ப நிறுவனம் சார்ந்த பங்குகள் மூலம் லாபம் பெறுவர். பள்ளி, கல்லூரி மாணவர்கள் உறவினர்களோடு சுற்றுலா சென்று மனம் மகிழ்வார்கள்.

பல் மற்றும் ஈறு பாதிப்பு, சளித்தொல்லை ஏற்பட்டு மருத்துவ சிகிச்சை மூலம் நீங்கும். காவியுடை தரித்த துறவிகளுக்கு பழங்கள் சமர்ப்பணம் செய்து வணங்கி ஆசீர்வாதம் பெறுவதும், குடும்ப மூத்தவர்களிடம் ஆசிர்வாதம் பெறுவதும் பல சிக்கல்களை விளக்கும்.

துலாம்

பகைவருக்கும் நன்மை செய்யும் சமநிலை கொண்ட இதயமும், நடுநிலையான குணமும் கொண்ட துலாம் ராசியினருக்கு இந்த வாரம் பல நன்மைகள் உண்டு. இல்லத்தரசிகள் நீண்ட நாட்களாக மனதில் நினைத்த சுப காரியங்களை நடத்தி முடிப்பார்கள். ஒரு சிலர் வீடு மனை வாங்கும் யோகம் பெறுவார்கள்.

ஓட்டல், திரவப் பொருள், கால்நடைகள் விற்பனை தொழில் துறையினருக்கு லாபமான காலகட்டம் இது. வாகனங்கள், ஆடை ஆபரண விற்பனை வியாபாரிகளுக்கு தொழிலில் புது பங்குதாரர்கள் சேர்வார்கள். அரசு நிறுவன ஊழியர்களுக்கு இடமாற்றம், பதவி உயர்வு ஏற்படும்.

ரியல் எஸ்டேட் துறையினர் புதிய திட்டங்களில் முதலீடு செய்வதுடன், நிலுவையில் உள்ள கடன்களை தீர்ப்பார்கள்.. ஷேர் மார்க்கெட் பிரிவினர் எலக்ட்ரானிக் நிறுவன, மின்னுற்பத்தி நிறுவன பங்குகளில் லாபம் பெறுவார்கள். பள்ளி, கல்லூரி மாணவர்கள் செய்முறை தேர்வுகளில் சிறந்த மதிப்பெண் பெறுவார்கள்.

தலைபாரம், நுரையீரல் அலர்ஜி ஏற்பட்டு சிகிச்சை மூலம் சரியாகும். பொது இடங்களில் மக்களுக்கு குடி தண்ணீர் தானமாக வழங்குவதும், கோவில் அன்ன தானங்களில் பங்கேற்பதன் மூலமும் பல நன்மைகள் உண்டு.

விருச்சிகம்

பல துன்பங்களை சந்தித்து வாழ்க்கை என்றால் என்ன என்பதை நடைமுறையில் உணர்ந்து கொண்ட அனுபவசாலிகளாக திகழும் விருச்சிகம் ராசியினருக்கு இந்த வாரம் குடும்பத்தோடு சுற்றுலா செல்வார்கள். மனதில் புதிய மாற்றங்கள் உருவாகி உற்சாகத்துடன் செயல்படுவீர்கள். சொந்தபந்தங்களுக்கு இடையில் சுமுகமான உறவு நிலவும்.

விவசாய விளைபொருள், பால், பழ வகை உற்பத்தி தொழில் துறையினருக்கூ லாபம் உண்டு. காய்கறிகள், மளிகைப்பொருள் விற்பனையாளர்கள் நீண்ட நாட்களாக மனதில் நினைத்து வந்த திட்டங்களை நிறைவேற்றுவார்கள். அரசுத்துறை ஊழியர்கள் அலுவலகத்தில் மதிப்பும் மரியாதையும் பெறுவார்கள்.

ரியல் எஸ்டேட் துறையினர் பழைய கடன்களை அடைத்து புதிய கட்டுமான திட்டங்களை செயல்படுத்துவார்கள். ஷேர் மார்க்கெட் பிரிவினர் ஏற்றுமதி இறக்குமதி நிறுவன, எரிவாயு நிறுவன பங்குகளில் லாபம் பெறலாம். பள்ளி, கல்லூரி மாணவர்கள் தொழிற்கல்வியில் கவனம் செலுத்த வேண்டிய காலகட்டம் இது.

காதில் கோளாறு, தலை சுற்றல் போன்ற சிக்கல்கள் ஏற்பட்டு மருத்துவ சிசிச்சையால் குணமடையும். வீட்டுக்கு அருகில் உள்ள தயார் அல்லது அம்பிகை கோவிலுக்கு சிவப்பு நிற மலர் மாலைகளை முடிந்த வரை சமர்ப்பணம் செய்து பிரார்த்தனை செய்து கொண்டால் பல நன்மைகள் ஏற்படும்.

தனுசு

தனக்கென்று ஒரு வரையறைகளை உருவாக்கிக் கொண்டு அதற்குள் செயல்படும் லட்சிய நோக்கங்கள் கொண்ட தனுசு ராசியினருக்கு இந்த வாரம் பல நல்ல மாற்றங்கள் உண்டு. ஜாதக யோகங்களுக்கு ஏற்ப பலருக்கு சொந்த வீடு வாங்கும் பாக்கியம் ஏற்படும். வாழ்க்கைத் துணையுடன் இருந்து வந்த மன கசப்பு அகலும்.

புத்தகம் விற்பனை, ஆடம்பரப் பொருள் தயாரிப்பு தொழிலில் உள்ளவர்களுக்கு லாபகரமான காலகட்டம் இது. இசைக்கலைஞர்கள், சமையல் கலை நிபுணர்கள் ஆகியோர் எதிர்பாராத புதிய வாய்ப்புகளை பெற்று வாழ்க்கையில் மேன்மை பெறுவார்கள். அரசு துறையில் பணி புரியும் ஊழியர்களுக்கு சம்பள உயர்வு உண்டு.

ரியல் எஸ்டேட் துறையினர் வெளிநாட்டு தொடர்பு பெற்று வர்த்தக வளர்ச்சி பெறுவார்கள். ஷேர் மார்க்கெட் பிரிவினர் கட்டுமானத்துறை நிறுவன, தகவல் தொடர்பு நிறுவன பங்குகள் மூலம் லாபம் பெறலாம். பள்ளி, கல்லூரி மாணவர்கள் வெளிநாட்டில் படிப்பதற்கான தகவல்களை பெறுவார்கள்.

சிறுநீர் கோளாறு, வாயுத்தொல்லை போன்ற சிக்கல்கள் ஏற்பட்டு சிகிச்சை மூலம் குணமடையும். முடிந்தவரை வார நாட்களில் உண்ணா நோன்பு இருப்பதும், அதிகமாக மற்றவர்களிடம் பேச்சுக் கொடுக்காமல் இருப்பதும் பல சிக்கல்களை தவிர்க்கும்.

மகரம்

உழைப்புக்கு ஏற்ற பலன் கிடைக்காவிட்டாலும் உழைப்பதை நிறுத்தாமல் செயல் புரியும் விடாமுயற்சி கொண்ட மகரம் ராசியினருக்கு இந்த வாரம் பல அதிர்ஷ்டங்கள் வந்து சேரும். பல சுப நிகழ்ச்சிகளுக்கு சென்று வருவீர்கள். நண்பர்களால் ஆதாயம் ஏற்படும்.

இரும்பு பொருள் தயாரிப்பு, கட்டிடப் பொருள் உற்பத்தி தொழில்துறையினர் லாபத்தை அடைவார்கள். கட்டுமான பொருள், இரும்பு உதிரிபாக விற்பனை செய்பவர்கள் பண விஷயங்களில் கவனமாக இருக்க வேண்டும். தனியார் நிறுவன ஊழியர்கள் பணியிட மாற்றம் பெறுவர்.

ரியல் எஸ்டேட் துறையினர் பழைய கட்டுமான பணிகளில் ஏற்பட்ட சிக்கல்களை சமூகமாக தீர்ப்பார்கள். ஷேர் மார்க்கெட் பிரிவினர் மசாலா தயாரிப்பு நிறுவன, வாகன உதிரி பாக தயாரிப்பு நிறுவன பங்குகள் மூலம் லாபம் பெறலாம். பள்ளி, கல்லூரி மாணவர்கள் அரசு போட்டித் தேர்வுகளில் பங்கேற்க தங்களை தயார் செய்து கொள்ள வேண்டும்.

சளி தொல்லை, தலைவலி மற்றும் தலை சுற்றல் ஏற்பட்டு மருத்துவத்தால் அகலும். பொது இடங்களில் அனைவருக்கும் குடிநீர் மற்றும் நீர்மோர் தானமாக வழங்குவதன் மூலமும், கோவில் அன்னதானங்களில் பங்கேற்பதன் மூலமும் நன்மைகள் வந்து சேரும்.

கும்பம்

இன்பத்தில் மகிழ்ச்சியும், துன்பத்தில் துயரமும் அடையும் மனநிலை இருந்தாலும் அந்த அனுபவங்களை மனதில் வைத்திருக்கும் குணம் கொண்ட கும்பம் ராசினருக்கு இந்த வாரம் சமூக அந்தஸ்து அதிகரிக்கும். பொருளாதார வரவும் உண்டு. சொந்த பந்தங்கள் அனுசரித்து நடந்து கொள்வார்கள்.

பால் உற்பத்தி, மளிகை கடை தொழில் பிரிவினர் நீண்ட காலமாக மனதில் நினைத்து வந்த திட்டங்களை நிறைவேற்றலாம். பர்னிச்சர்கள், காய்கறி விற்பனை செய்பவர்கள், கடன் கொடுக்கல்-வாங்கல் விஷயங்களில் கவனமாக இருக்க வேண்டும். அரசு நிறுவனங்களில் பணியாற்றுபவர்களுக்கு புதிய பொறுப்புகளால் மதிப்பு அதிகரிக்கும்.

ரியல் எஸ்டேட் துறையினர் புதிய கட்டுமான திட்டங்களை தொடங்கி லாபம் பெறுவார்கள். ஷேர் மார்க்கெட் பிரிவினர் எலக்ட்ரிக்கல், எலக்ட்ரானிக் உற்பத்தி நிறுவன, நகைக்கடை நிறுவன பங்குகள் மூலம் லாபம் பெறலாம். பள்ளி, கல்லூரி மாணவர்கள் தொழில் கல்வி கற்பதற்கான சூழ்நிலை உருவாகும்.

சரும பாதிப்பு, தலை சுற்றல் போன்ற கோளாறுகள் ஏற்பட்டு தகுந்த மருத்துவத்தால் குணமடையும். குடும்ப உறவினர் வீட்டு சுப காரியங்களுக்கு பொருளுதவி செய்வதும், உடன் பிறந்தோர் மற்றும் நண்பர்களுக்கு பரிசு பொருள்கள் வழங்கி அவர்களை மகிழ்ச்சி அடையச் செய்வதும் பல நன்மைகளை ஏற்படுத்தும்.

மீனம்

மற்றவர்களுக்காக தன்னை மாற்றிக் கொள்ளாமல் தன்னுடைய சுபாவம் படி நடந்து கொள்ளும் வெளிப்படையான குணம் கொண்ட மீனம் ராசியினர் இந்த வாரம் பல சுப காரியங்களில் குடும்பத்தோடு பங்கேற்று மகிழ்ச்சி அடைவீர்கள். செலவினங்கள் அதிகரித்தாலும் அதற்கேற்ற தன வரவு உண்டு.

சீட்டு நிறுவனம், அழகு சாதன பொருட்கள் தயாரிப்பு தொழில்துறையினர் எதிர்பார்த்த வளர்ச்சி பெறுவார்கள். மளிகை, உணவு, இனிப்பு பொருள் விற்பனை செய்வோர் வாடிக்கையாளர்கள் ஆதரவால் ஆதாயம் அடைவர். தனியார் துறை ஊழியர்களுக்கு இடமாற்றம் உண்டு.

ரியல் எஸ்டேட் துறையினர் கட்டுமான திட்டங்களில் புதிய வாடிக்கையாளர்கள் மூலம் ஆதாயம் அடைவர். ஷேர் மார்க்கெட் பிரிவினர் பால் பொருள், எண்ணெய் தயாரிப்பு நிறுவன பங்குகள் மூலம் லாபம் பெறலாம். பள்ளி, கல்லூரி மாணவர்கள் குடும்ப உறவினர்களோடு சுற்றுலா சென்று மகிழ்ச்சியாக இருப்பார்கள்.

சுவாசக் கோளாறு, பல்வலி, தலைவலி ஆகிய பிரச்சினைகள் ஏற்பட்டு சிகிச்சையால் நீங்கும். முதியோர் இல்லம் மற்றும் ஆதரவற்றோர் இல்லம் ஆகியவற்றுக்கு காய்கறிகள் மற்றும் பால் ஆகியவற்றை தானமாக வழங்குவது பல சிரமங்களை நீக்கும்.