இந்த வார ராசிபலன்:-

மேஷம்

குணத்தை வைத்து மனிதர்களை எடை போட வேண்டும் என்ற எண்ணமுள்ள மேஷம் ராசியினர் திட்டமிட்டு, சுறுசுறுப்பாக செயல்பட்டு காரிய வெற்றி பெறுவீர்கள். குடும்பத்தில் நிகழ்ச்சிகள் நடைபெறும். பொருளாதாரம் உயர்ந்து மன நிம்மதி ஏற்படும்.

மருத்துவம், விவசாயம், இரும்பு சார்ந்த தொழில் துறையினருக்கு நன்மை தரும் வாரம். மருந்துக்கடை, கேட்டரிங், மளிகை கடை வியாபாரிகள் அளவாக திட்டமிட்டு முதலீடுகளை செய்யலாம். அரசு துறை உத்தியோகஸ்தர்களுக்கு பணியிடத்தில் பொறுப்புகள், அழுத்தம் அதிகரிக்கும்.

ஷேர் மார்க்கெட் பிரிவினர் மருந்து நிறுவனம், சரக்கு ஏற்றுமதி இறக்குமதி நிறுவன பங்குகள் மூலம் லாபம் பெறலாம். ரியல் எஸ்டேட் துறையினர் வெளிநாட்டு தொடர்புகள் மூலம் வர்த்தக மேம்பாடு அடைவார்கள். பள்ளி, கல்லூரி மாணவர்கள் தேர்வுகளில் வெற்றியும், உதவித்தொகையும் கிடைக்க பெறுவார்கள்.

தேவையற்ற மன உளைச்சல், உடல் அசதி ஏற்பட்டு விலகும். உதவி என்று கேட்கும் முதியோர்களுக்கு உங்களால் இயன்ற உதவியை செய்வதும், வீட்டில் தினமும் தீபம் ஏற்றி வைத்து விருப்பமான தெய்வத்தை வழிபடுவதும் பல நன்மைகளைத் தரும்.

ரிஷபம்

மற்றவர் வார்த்தைகளால் எளிதில் இதயம் புண்பட்டு விடும் ரிஷபம் ராசியினருக்கு பல சுப காரியங்கள் இந்த வாரம் கைகூடும். பெண்மணிகளுக்கு நன்மைகள் நிறைந்த வாரம். நீண்ட நாட்களாக இழுத்தடித்த காரியங்கள் நன்றாக நிறைவு பெறும்.

மசாலா, வேளாண் விளைபொருள், கட்டுமான பொருள் வியாபாரிகள் அவசரப்படாமல் நிதானமாக செயல்பட வேண்டும். புதிய தொழில் முனைவோர், போட்டோகிராபி, உணவகம் ஆகிய தொழில் துறையினர் முன்னேற்ற பாதையில் செல்வார்கள். தனியார் உத்தியோகஸ்தர்கள் தங்கள் பணியில் மட்டும் கவனம் செலுத்த வேண்டும்.

ரியல் எஸ்டேட் துறையினருக்கு நல்ல வாய்ப்புகள் வந்து கதவை தட்டும் காலகட்டம். ஷேர் மார்க்கெட் பிரிவினர் ரியல் எஸ்டேட் நிறுவனங்கள், ஓட்டல் நிறுவன பங்குகள் மூலம் லாபம் அடைவார். பள்ளி, கல்லூரி மாணவர்கள் தேர்வுகளில் நல்ல மதிப்பெண் பெறுவார்கள்.

தலைசுற்றல், மயக்கம், ரத்த அழுத்தம் ஆகியவை ஏற்பட்டு சிகிச்சையால் நீங்கும். அருகில் உள்ள திருக்கோவிலில் பக்தர்களுக்கு புளி சாதம் மற்றும் இனிப்பு ஆகியவற்றை பிரசாதமாக வழங்குவதன் மூலம் நன்மைகள் வந்து சேரும்.

மிதுனம்

மதி நுட்பத்தோடு எந்த ஒரு விஷயத்தையும் அணுகும் மிதுனம் ராசியினருக்கு இந்த வாரம் பொருளாதார ரீதியான முன்னேற்றம் உண்டு. நடைபெற்ற பல விஷயங்களை நிறைவேற்றி மகிழ்வீர்கள். சுபகாரிய நிகழ்வுகளில் குடும்பத்துடன் பங்கேற்பீர்கள்.

ரியல் எஸ்டேட், ஏற்றுமதி, இறக்குமதி தொழில் துறையினர், மீடியா தொழில் துறையினருக்கு லாபம் பெருகும். நகை, நுகர்பொருள் ஏஜென்சி, பேன்ஸி பொருள் வியாபாரிகளுக்கு நல்ல காலம். தனியார் நிறுவன உத்தியோகஸ்தர்கள் அலுவலகத்தில் பணி சார்ந்த விஷயங்களை மட்டுமே பேச வேண்டும்.

ரியல் எஸ்டேட் துறையினர் புதிய திட்டங்களை தொடங்குவார்கள். ஷேர் மார்க்கெட் துறையினருக்கு ஏற்றுமதி-இறக்குமதி பங்குகள் மூலம் ஆதாயம் உண்டு. பள்ளி, கல்லூரி மாணவர்கள் கல்வி மற்றும் விளையாட்டில் நற்பெயர் பெறுவார்கள்.

கை. கால்களில் வலி ஏற்பட்டால் மருத்துவ ஆலோசனை பெற வேண்டும். உடன் பிறந்தோர் மற்றும் நண்பர்களுக்கு இனிப்பு வழங்குவதாலும், கோவில் கருவறை தீபங்களுக்கு நெய் வழங்குவதாலும் நன்மைகள் ஏற்படும்.

கடகம்

மாற்று சிந்தனைகளோடு வித்தியாசமாக செயல்பட்டு வெற்றி பெறும் கடகம் ராசியினர் இந்த வாரம் தடைகளை கடந்து வெற்றி பெறுவார்கள். குடும்ப பொருளாதார நிலையை உயர்ந்து, பல புதிய பொருட்களை வாங்கி மகிழ்ச்சி அடைவீர்கள்.

இரும்பு, உணவு, மருத்துவ தொழில் துறையினருக்கு வளர்ச்சிக்கான புது வாய்ப்புகள் ஏற்படும். மசாலா பொருள், ரசாயனம்,விளையாட்டு பொருட்கள் வியாபாரிகள் தொழில் விருத்தி அடைவர். மனிதவளத்துறை உத்தியோகஸ்தர்கள் பணியிடத்தில் அவர்களுக்கு உரிய அங்கீகாரத்தை பெறுவார்கள்.

ரியல் எஸ்டேட் துறையினர் புதிய வாய்ப்பு கிடைக்கப் பெறுவார்கள். ஷேர் மார்க்கெட் பிரிவினர் மருந்து உற்பத்தி நிறுபன, ஆபரண தயாரிப்பு நிறுவன பங்குகளில் லாபம் அடைவார்கள். பள்ளி, கல்லூரி மாணவர்கள் புதிய தொழில்நுட்பங்களில் பெறுவதற்கான வாய்ப்பு உருவாகும்.

வயிற்று கோளாறு, காய்ச்சல் ஏற்பட்டு மருத்துவத்தால் குணமடையும். குலதெய்வத்திற்கு பால் அபிஷேகம் செய்வதாலும், பெண் குழந்தைகளுக்கு பரிசு பொருள்கள் வழங்குவதாலும் நன்மைகள் உண்டு.

சிம்மம்

காரிய வெற்றியை மனதில் வைத்து துன்பங்களால் துவண்டு போகாமல் உள்ள சிம்மம் ராசியினருக்கு இந்த வாரம் தடைபட்ட பல நல்ல விஷயங்கள் நடந்தேறும். குடும்ப பொருளாதாரத்தை பொறுத்தவரை மகிழ்ச்சி அதிகரிக்கும். உற்றார் உறவினர்களோடு கருத்து வேறுபாடு ஏற்பட்டு விலகும்.

கேட்டரிங், ஆசிரியர்கள், சிறு தொழில் முனைவோர்களுக்கு லாபகரமான காலகட்டம். ஆடை ஆபரண வியாபாரிகள், டிஜிட்டல் துறையினர், மக்கள் தொடர்பு அதிகாரிகள் எதிர்பார்த்த ஆதாயத்தை அடைவார்கள். அரசு உத்தியோகஸ்தர்கள் பதவி உயர்வு பெறுவர்.

ரியல் எஸ்டேட் துறையினர் அனைத்துவித அரசு அனுமதிகளையும் பெற்று புதிய திட்டங்களில் முதலீடு செய்யலாம். ஷேர் மார்க்கெட் பிரிவினர் பொதுத்துறை நிறுவன பங்குகள், சினிமா நிறுவன பங்குகள் மூலம் ஆதாயம் பெறலாம். பள்ளி மற்றும் கல்லூரி மாணவர்கள் மேற்படிப்புக்கான வழிகாட்டுதல்களை தேடிச் செல்ல வேண்டும்.

அலைச்சலால், மன உளைச்சலும், உடல் அசதியும் ஏற்படக்கூடும். மலை அல்லது சிறு குன்று மீது உள்ள எந்த ஒரு தெய்வத்திற்கும் அபிஷேகம் செய்து, மலர்மாலை சமர்ப்பிப்பதன் மூலம் நன்மைகள் உண்டு.

கன்னி

கலைகளின் மீது ஆர்வமும், நண்பர்களுடன் நல்ல பழக்கமும் கொண்ட கன்னி ராசியினருக்கு இந்த வாரம் நண்பர்கள் மூலம் நன்மைகள் ஏற்படும். நண்பர்களுடன் சேர்ந்து மகிழ்ச்சிகரமாக பல இடங்களுக்கும் மகிழ்ச்சியாக சென்று வருவீர்கள்.

எந்திர உற்பத்தி தொழில், பத்திரிக்கை, மருத்துவ துறையினர் தொழில் விரிவாக்கம் செய்ய நல்ல சூழல் ஏற்பட்டுள்ளது. தினசரி சந்தை, மருத்துவ ஆலோசனை, ஈவெண்ட் மேனேஜ்மெண்ட் பிரிவினர் வாடிக்கையாளர்கள் பெருகி லாபம் பெறுவார்கள். தனியார் மற்றும் அரசு உத்தியோகஸ்தர்கள் தங்கள் பொறுப்புகளில் கவனமாக செயல்பட வேண்டும்.

ரியல் எஸ்டேட் துறையினர் புதிய கட்டுமான பணிகளை தொடங்கலாம். ஷேர் மார்க்கெட் பிரிவினர் விவசாய விளைபொருள், ரசாயன, எண்ணெய் உற்பத்தி நிறுவன பங்குகள் மூலம் ஆதாயம் பெறுவர். பள்ளி, கல்லூரி மாணவர்கள் நண்பர்களோடு சுற்றுலா சென்று மகிழ்ச்சியாக இருப்பார்கள்.

தலை சுற்றலோ மயக்கமோ ஏற்பட்டால் மருத்துவ சிகிச்சை பெற வேண்டும். குடும்ப பெரியவர்களை வணங்கி ஆசிகளை பெறுவதும், பசு மாடுகளுக்கு பூசணிக்காயை உண்பதற்கு தருவதும் நன்மைகளை ஏற்படுத்தும்.

துலாம்

எந்த ஒரு விஷயமும் காலத்திற்கு நடக்க வேண்டும் என்ற எண்ணம் உள்ள துலாம் ராசியினருக்கு நல்ல செய்திகள் காதுகளுக்கு வந்து சேரும். குடும்பத்தில் கருத்து வேறுபாடு ஏற்பட்டு சுமூகமாக முடியும். பொருளாதார நிலை மேம்படும்.

தானிய உற்பத்தி, இன்டீரியர் டிசைனர், விளையாட்டு பொருள் தயாரிப்பு துறை ஆகியோர் வளர்ச்சி காணும் காலகட்டம் இது. தங்க நகை வியாபாரிகள், சட்ட ஆலோசகர்கள், கலைத்துறையினர் பணப்பரிவர்த்தனை விஷயங்களில் கவனமாக செயல்பட வேண்டும். அரசாங்க உத்தியோகஸ்தர்கள் நீண்ட நாட்களாக எதிர்பார்த்து வந்த விஷயம் நடந்தேறும்.

ரியல் எஸ்டேட் துறையினர் நீண்ட நாட்களாக எதிர்பார்த்த திட்டங்களை வெற்றிகரமாக தொடங்குவார்கள். ஷேர் மார்க்கெட் பிரிவினர் நிலக்கரி மற்றும் பெட்ரோலிய நிறுவன பங்குகள் மூலம் ஆதாயம் பெறலாம். பள்ளி, கல்லூரி மாணவர்கள் அரசு பணிகளுக்கான போட்டித் தேர்வுகளில் உற்சாகமாக பங்கு பெறுவார்கள்.

நேரம் தவறி சாப்பிடுவதாலும், ஜீரணக் கோளாறு காரணமாகவும் உடல் நலம் பாதிக்கப்பட்டு சிகிச்சையால் குணமடையும். திருக்கோவிலுக்கு வரும் பக்தர்களுக்கு பானகம் மற்றும் நீர்மோர் தானமாக வழங்க நன்மைகள் ஏற்படும்.

விருச்சிகம்

அனைவரோடு உற்சாகமாக பேசினாலும் அப்பொழுது ஆழ்ந்த அமைதியில் மூழ்கி விடும் விருச்சிகம் ராசியினருக்கு இந்த வாரம் பழைய நண்பர்களை சந்தித்து பேசும் வாய்ப்பு ஏற்படும். உறவினர்களுடன் கருத்து வேறுபாடு ஏற்பட்டு விலகும்.

நிதி ஆலோசகர்கள், நிதி முதலீடு, பொறியியல் தொழில் துறையினருக்கு நன்மைகள் ஏற்படும். மருத்துவர்கள், மருந்து விற்பனை, இண்டீரியர் துறையினருக்கு ஆதாயமான காலகட்டம். அரசு, தனியார் உத்தியோகஸ்தர்கள் தங்கள் பணிகளை கால காலத்திற்கு மிக சரியாக செய்து வருவது அவசியம்.

ரியல் எஸ்டேட் துறையினர் புதிய திட்டங்களில் முதலீடு செய்வார்கள். ஷேர் மார்க்கெட் துறையினர் மருத்துவமனை, சிமெண்ட், அரசு துறை நிறுவன பங்குகள் மூலம் லாபம் பெறுவர். பள்ளி, கல்லூரி மாணவர்கள் எதிர்காலத்தில் பணி பெறுவது வாய்ப்பு குறித்த தகவல்கள் கிடைக்கப் பெறுவார்கள்.

மூச்சுக்கோளாறு, வயிற்று வலி ஆகியவை ஏற்பட்டு சிகிச்சையால் விலகும். குலதெய்வம் அல்லது வீட்டிற்கு அருகில் உள்ள பெண் தேவதைகளுக்கு சந்தன காப்பு செய்வதும், மருத்துவமனையில் சிகிச்சை பெறுபவருக்கு மருத்துவ உதவி வழங்குவதும் நன்மைகளைத் தரும்.

தனுசு

மற்றவர்களுடைய துன்பங்களையும் தனது துன்பங்களாக நினைத்து செயல்படும் தனுசு ராசியினருக்கு எதிர்பார்த்த பண வரவு உண்டு. குடும்ப சுபகாரியங்களை முன்னின்று நடத்தி மகிழ்வீர்கள். நண்பர்கள், உறவினர்கள் மூலம் நன்மை உண்டு.

ஆபரண உற்பத்தி, சுற்றுலா, டிஜிட்டல் தொழில் துறையினருக்கு தொழில் விருத்தி உண்டு. தினசரி சந்தை, மருத்துவ ஆராய்ச்சி, பத்திரிகையாளர்கள் ஆகிய

பிரிவினருக்கு எதிர்பார்த்த லாபம் ஏற்படும். தனியார் உத்தியோகஸ்தர்கள் பணியிட மாற்றம், பதவி உயர்வு பெறுவார்கள்.

ரியல் எஸ்டேட் துறையினர் நீர்நிலை அருகில் செயல்படும் கட்டுமான திட்டங்களில் கவனம் கொள்ள வேண்டும். ஷேர்மார்க்கெட் பிரிவினர் நிலக்கரி, சுரங்கம், டிஜிட்டல் நிறுவன பங்குகள் மூலம் ஆதாயம் அடையலாம். பள்ளி, கல்லூரி மாணவர்கள் புதிய விளையாட்டுகளை கற்றுக்கொள்வார்கள்.

சிறுநீரக தொற்று, மன அழுத்தம் ஏற்பட்டு சிகிச்சையால் விலகும். இந்த வாரம் முடிந்தவரை மௌன விரதம் இருப்பதும், உண்ணா நோன்பு கடைபிடிப்பதும் நன்மைகளை தரும்.

மகரம்

அன்புக்கு அன்பையும், கோபத்திற்கு கோபத்தையும் பரிசாக வழங்கும் மகரம் ராசியினருக்கு புதிய செய்திகளால் மனதில் நம்பிக்கை உருவாகும். உறவினர்களுடன் சுமுக உறவு நீடிக்கும். எதிர்பார்த்த பொருளாதாரம் வரவு உண்டு.

பொறியாளர்கள், பிளைஆஷ் பிரிக் தயாரிப்பு, விவசாயத் துறையினர் எதிர்பார்த்த முன்னேற்றத்தை அடைவார்கள்.. ஏற்றுமதி-இறக்குமதி, கட்டிடப்பொருள் வியாபாரிகள், அரசியல்வாதிகளுக்கு இது நல்ல காலகட்டம். அரசு உத்தியோகஸ்தர்கள் தங்கள் பணிகளில் வழக்கத்தை விட கவனமாக செயல்பட வேண்டும்.

ரியல் எஸ்டேட் துறையினர் கட்டுமான தொழிலாளர் பிரச்சினைகளை சரி செய்ய வேண்டும். ஷேர்மார்க்கெட் பிரிவினர் மசாலா பொருள் விற்பனை, சரக்கு போக்குவரத்து, ராணுவ தளவாட உற்பத்தி நிறுவன பங்குகள் மூலம் ஆதாயம் பெறலாம். பள்ளி, கல்லூரி மாணவர்கள் உறவினர்களது ஆலோசனை மூலம் மேற்படிப்புக்கான வழிகாட்டுதல் கிடைக்க பெறுவார்கள்.

வயிற்றுக் கோளாறு, தலைவலி, மன உளைச்சல் ஆகியவை ஏற்பட்டு விலகும். வயதில் பெரியவர்களை வணங்கி ஆசிர்வாதம் பெறுவதும், ஆதரவற்ற முதியோர்களுக்கு ஆடை தானம் செய்வதும் நன்மைகளைத் தரும்.

கும்பம்

அனைவரையும் தட்டிக் கொடுத்து வேலை வாங்கும் திறமை படைத்த கும்பம் ராசியினருக்கு மகிழ்ச்சியான வாரம். குடும்ப பொருளாதார நிலை மேம்படும். குடும்பத்துடன் சுற்றுலா அல்லது உறவினர் வீடுகளுக்கு சென்று வருவீர்கள்.

கணினி, விவசாய விளைபொருள், மருத்துவ உபகரண தயாரிப்பு தொழில் துறையினருக்கு நல்ல காலகட்டம். ஆராய்ச்சியாளர்கள், எலக்ட்ரானிக்ஸ் பொருள்கள், ஆடை ஆபரண வியாபாரிகளுக்கு நல்ல வாய்ப்புகள் கிடைக்கும். தனியார் துறை உத்தியோகஸ்தர்கள் பணியிடத்தில் மதிப்பு பெறுவர்.

ரியல் எஸ்டேட் துறையினர் புதிய வாடிக்கையாளர்களை பெற்று ஆதாயம் பெறுவார்கள். ஷேர் மார்க்கெட் பிரிவினர் சுற்றுச்சூழல் மற்றும் எரிவாயு நிறுவனம், பால் பொருள் தயாரிப்பு நிறுவன பங்குகள் மூலம் ஆதாயம் அடையலாம். பள்ளி, கல்லூரி மாணவர்கள் அரசு போட்டித் தேர்வுகளை எதிர் கொள்வதற்கான முன்னேற்பாடுகளை மேற்கொள்வார்கள்.

மன உளைச்சல், உடல், மனச்சோர்வு, சளி மற்றும் காய்ச்சல் ஏற்பட்டு விலகும். தினமும் மாலையில் வீடுகளில் நெய் தீபம் ஏற்றி வைப்பதும், அருகில் உள்ள கோவில்களில் கருவறை தூண்டாதீபத்திற்கு நெய் வழங்குவதும் பல நன்மைகளை தரும்.

மீனம்

காலம் வரும் வரை காத்திருந்து காரிய வெற்றி தரும் திறன் கொண்ட மீனம் ராசியினருக்கு இந்த வாரம் பார்த்த விஷயங்கள் நல்லபடியாக நடக்கும். பொருளாதார வரவு நன்றாக இருக்கும். விரும்பிய பொருள்களை வாங்கி மகிழ்ச்சி அடைவீர்கள்.

உணவகங்களை நடத்துபவர்கள், கலைத்துறையினர், கம்ப்யூட்டர் துறையினர் நற்பெயர் பெறுவார்கள். நகை வியாபாரிகள், சமூக ஆர்வலர்கள், உடல் மற்றும் மனநல ஆலோசகர்கள் ஆகியோர் தொழில் விரிவாக்கம் செய்வர். தனியார் துறை உத்தியோகஸ்தர்கள் பணிகளில் கவனமாக இருப்பது அவசியம்.

ரியல் எஸ்டேட் துறையினர் புதிய பங்குதாரர்கள் விஷயத்தில் கவனமாக ம் இருக்க வேண்டும். ஷேர் மார்க்கெட் பிரிவினர் மருத்துவமனை, பெட்ரோலியம், பால் உற்பத்தி நிறுவன பங்குகள் மூலம் லாபம் அடையலாம். பள்ளி, கல்லூரி மாணவர்கள் கணினி மேற்படிப்பு குறித்து அறிந்து பயனடைவர்.