இந்தவார ராசிபலன்:-

மேஷம்

மற்றவர் நலனை கருத்தில் கொண்டு செயல்படும் மேஷம் ராசியினருக்கு இவ்வாரம் புது நண்பர்கள் மூலம் நன்மைகள் ஏற்படும். சுக்கிரன், சந்திரன் ஆகிய கிரகங்கள் நல்ல தொடர்புகளை ஏற்படுத்துவார்கள்.

ஓட்டல், உரம், இரும்பு, திரவ தொழில் துறையினர் முன்னேறுவார்கள். சிறு விற்பனை, விவசாய பொருள், மண், கல் வியாபாரிகள் லாபம் அடைவர். தனியார் உத்தியோகஸ்தர்கள் பணி உயர்வு பெறுவர்.

ரியல் எஸ்டேட் துறையினர் நடக்கும் திட்டங்களில் கவனம் செலுத்த வேண்டும். ஷேர் மார்க்கெட் பிரிவினர் ரசாயனம், மின்சாரம், கல்வி நிறுவன பங்குகளில் லாபம் பெறலாம். பள்ளி, கல்லூரி மாணவர்கள் உற்சாகமாக சுற்றுலா சென்று மகிழ்வர்.

ஜலதோஷம் காய்ச்சல், தலைவலி ஏற்பட்டு மருத்துவ சிகிச்சையால் குணமாகும். பொருளாதார வசதி குறைந்தவர்களுக்கு இயன்ற அளவு பண உதவி செய்தால் நன்மை ஏற்படும்.

ரிஷபம்

உண்மை அன்பும், பழக இனிமையும் கொண்ட ரிஷபம் ராசியினர் இந்த வாரம் சமூக முக்கியத்துவம் பெற்ற மனிதர்களாக உலா வருவார்கள். தன ஸ்தானத்தில் உள்ள சுப கிரகங்கள் பொருளாதாரம் முன்னேற்றத்தை தருவார்கள்.

கன்சல்டன்சி, இன்ஜினியரிங், மெஷினரி, ஓட்டல் தொழில் துறையினர் தொழில் விரிவாக்கம் செய்யலாம். பர்னிச்சர், ரெடிமேடு ஆடை, வாயுப்பொருள் வியாபாரிகள் செலவுகளை சுமுகமாக சரி செய்வார்கள். அரசு உத்தியோகஸ்தர்கள் பணிகளில் தாங்களே களத்தில் இறங்கி செயல்பட வேண்டும்.

ரியல் எஸ்டேட் துறையினர் புதிய முதலீடுகளை செய்யலாம். ஷேர் மார்க்கெட் பிரிவினர் மருத்துவ சேவை நிறுவனம், ரியல் எஸ்டேட் நிறுவனம், மதுபான நிறுவன பங்குகளில் லாபம் பெறலாம். பள்ளி, கல்லூரி மாணவர்கள் பாடங்களிலும் கவனம் செலுத்த வேண்டும்.

வயிற்று கோளாறு, முதுகுவலி ஏற்பட்டு மருத்துவ சிகிச்சையால் விலகும். பள்ளி குழந்தைகளுக்கு, சிறுவர் சிறுமியர்களுக்கு விளையாட்டுப் பொருள், இனிப்பு வகைகளை பரிசாக வழங்கினால் நன்மைகள் ஏற்படும்.

மிதுனம்

இனிமையாக பேசுவதுடன், தனிமையில் சிந்தித்துக் கொண்டிருக்கும் மிதுனம் ராசியினர் இந்த வாரம் எதிர்பார்த்த தன வரவை பெறுவர். லாபஸ்தான சுக்கிரன், சந்திரன் ஆகியோர் மன விருப்பத்தை பூர்த்தி செய்வார்கள்.

நிதி, கலைத்துறை, பத்திரிக்கை, அரசியல் துறையினர் நல்ல முன்னேற்றம் அடைவார்கள். கட்டிடப் பொருள், பிரிண்டிங், ஏஜென்சி வியாபாரிகள் தொழில் விரிவாக்க முயற்சியில் நிதானமாக இருக்க வேண்டும். தனியார் உத்தியோகத்தில் இருப்பவர்கள் பணிகளில் கூடுதல் கவனம் செலுத்த வேண்டும்.

ரியல் எஸ்டேட் துறையினர் புது கட்டுமான பணிகளை நேரில் பார்வை செய்யவும். ஷேர் மார்க்கெட் பிரிவினர் ஆடை ஆபரண நிறுவனங்கள், தங்க நகை, ஜவுளி நிறுவன பங்குகளில் லாபம் உண்டு. பள்ளி, கல்லூரி மாணவர்களுக்கு புதிய நண்பர்களால் நன்மை ஏற்படும்.

எப்போதும் சுகாதாரமான சூழலில் உணவு, தண்ணீர் உள்ளிட்ட பானங்களை பருகுவது அவசியம். உடன் பிறந்த சகோதர, சகோதரிகளுக்கு பரிசுகளை அளித்தால் நன்மைகள் உண்டு.

கடகம்

பேச்சில் வேடிக்கை, காரியங்களில் கவனம், நேர்மறை எண்ணம் கொண்ட கடகம் ராசியினருக்கு இந்த வாரம் மகிழ்ச்சியான சம்பவங்கள் நடந்தேறும். 10-ல் உள்ள சுக்கிரன், 12-ல் உள்ள சுப கிரகங்கள் வெளிநாட்டு தொடர்புகளை ஏற்படுத்துவார்கள்.

என்ஜினியரிங், கட்டுமான தொழில், மருத்துவத்துறை, கேட்டரிங் தொழில்துறையினருக்கு முன்னேற்றமான வாரம். இரும்பு, செங்கல், விவசாய விலை பொருள் வியாபாரிகள் தொழில்

விரிவாக்க பணிகளை மேற்கொள்வர். அரசாங்க உத்தியோகஸ்தர்கள் நிர்வாகத்தின் பாராட்டு பெறுவார்கள். ரியல் எஸ்டேட் துறையினர் புதிய முதலீடுகளை செய்யலாம். ஷேர் மார்க்கெட் பிரிவினர் எண்ணெய், பெட்ரோல், வேளாண் நிறுவன பங்குகளில் லாபம் பெறுவர். பள்ளி, பள்ளி கல்லூரி மாணவர்கள் எதிர்காலத்தை உருவாக்கிக் கொள்ளும் வழிகாட்டுதல் கிடைக்க பெறுவர்.

அலைச்சல், அசதி, தலை சுற்றல் ஏற்பட்டால் தக்க ஓய்வு, மருத்துவ சிகிச்சையை மேற்கொள்ள வேண்டும். தந்தை வழி உறவினர்களுக்கு உதவி செய்து, அவர்களது ஆசிகளை பெறுவது பல நன்மைகளை தரும்.

சிம்மம்

சிந்தித்து முடிவெடுப்பதுடன், ரகசியங்களையும் பாதுகாக்கும் சிம்மம் ராசியினருக்கு சிக்கல்கள் அகன்று மனதில் நம்பிக்கை உருவாகும். லாப ஸ்தான குரு, பாக்ய ஸ்தான சுக்கிரன் மனதில் மகிழ்ச்சியை ஏற்படுத்துவார்கள்.

தங்க ஆபரணம், வட்டி, நிதி, அலங்கார பொருள் தொழில்துறையினர் எதிர்பார்த்த லாபம் அடைவார்கள். இனிப்பு பண்ட உற்பத்தி, அலங்கார பொருள் தயாரிப்பு, கலைத்துறை, கேளிக்கை பொருள் வியாபாரிகள் சிக்கல்களை வெற்றிகரமாக கடந்து செல்வர். அரசு உத்தியோகஸ்தர்கள் நவீன தொழில்நுட்பங்களை கற்றுக் கொள்வர்.

ரியல் எஸ்டேட் துறையினர் புதிய வாடிக்கையாளர்கள் கிடைக்கப் பெறுவர். ஷேர் மார்க்கெட் பிரிவினர் எரிவாயு, பொறியியல், ஹோட்டல், சினிமா நிறுவன பங்குகளில் லாபம் அடைவர். பள்ளி, கல்லூரி மாணவர்கள் எதிர்கால முன்னேற்றத்திற்கான புதிய விஷயங்களை அறிந்து கொள்வார்கள்.

ஜலதோஷம், காய்ச்சல், கை-கால் வலி ஏற்பட்டு மருத்துவ சிகிச்சையால் விலகும். புற்று உள்ள அம்மன் கோவில் அல்லது ஆலமரத்து அடியில் உள்ள நாகர் சிலைக்கு மஞ்சள் தடவி தீபம் ஏற்றி வழிபட நன்மைகள் ஏற்படும்.

கன்னி

வெள்ளை உள்ளமும், மற்றவர் மீது அக்கறை கொண்ட இதயமும் கொண்ட கன்னி ராசியினர் இந்த வாரம் வீடுகளுக்கு தேவையான பொருட்களை வாங்கி மகிழ்வர். பத்தாவது இடத்தில் உள்ள ராசி அதிபதி சமூக மதிப்பை உயர்த்துவார்.

போல் தொடர்பு, புத்தகம், கணக்கு வழக்கு தொழில்துறையினர் எதிர்பார்த்த வளர்ச்சி அடைவார்கள். புத்தகம், ஏஜென்சி, சிறு வியாபாரிகள் தொழில் விரிவாக்க பணிகளை மேற்கொள்ளலாம். தனியார் உத்தியோகஸ்தர்கள் உயர் அதிகாரிகளின் தொடர்பால் நன்மை பெறுவார்கள்.

ரியல் எஸ்டேட் துறையினருக்கு நல்ல நேரம் தொடங்கிவிட்டது. ஷேர் மார்க்கெட் பிரிவினர் தகவல் தொடர்பு, விமானம், மின்சாரம், பெட்ரோலிய நிறுவன பங்குகளில் லாபம் அடைவர். பள்ளி, கல்லூரி மாணவர்கள் விளையாட்டு திறமைகளை வெளிப்படுத்தி கல்வி நிறுவனங்களுக்கு புகழ் சேர்ப்பர்.

தலைவலி, வயிற்று கோளாறு, வலி, அஜீரணம் ஏற்பட்டு தக்க மருத்துவ சிகிச்சையால் விலகும். உடல் ஊனமுற்றோருக்கு அன்னதானம் செய்தால் நன்மைகள் வந்து சேரும்.

துலாம்

அன்பு நெஞ்சமும், தாராள மனமும் உடைய துலாம் ராசியினரை இந்த வாரம் விட்டு விலகிய உறவுகள் நாடி வரும். பாக்கிய ஸ்தான குரு, ராசியை பார்க்கும் சுக்கிரன் ஆகியோரால் சுபச் செய்திகள் வரும்.

திரவப் பொருள், உணவு பொருள் ஏற்றுமதி, வேளாண்மை உற்பத்தி தொழில்துறையினர் நல்ல லாபம் அடைவார். ஏற்றுமதி இறக்குமதி, உணவுப் பொருள், பர்னிச்சர் வியாபாரிகள் தொழில் வெற்றிக்கான விஷயங்களை அறிந்து செயல்படுவர். அதிகார பதவிகளில் உள்ள அரசு உத்தியோகஸ்தர்கள் அலுவலக சிக்கல்களில் வெற்றி பெறுவார்கள்.

ரியல் எஸ்டேட் துறையினருக்கு நன்மை உண்டு. ஷேர் மார்க்கெட் பிரிவினர் வாசனாதி திரவியங்கள், மசாலா பொருட்கள், எரிவாயு நிறுவன பங்குகளில் ஆதாயம் அடைவர். மாணவர்கள் உறவினர் வீட்டு விஷேசங்களில் கலந்து கொள்வர்.

மன உளைச்சல், உடல் சோர்வு ஏற்பட்டு மருத்துவ சிகிச்சை மூலம் விலகும். ஆதரவற்ற, வயதானவர்களுக்கு ஆடைதானம், அன்னதானம் செய்வது பல நன்மைகளை தரும்.

விருச்சிகம்

பிடிவாதமும், அழகை ரசிக்கும் இயல்பும் கொண்ட விருச்சிகம் ராசியினர் இந்த வாரம் எதிர்காலத்திற்கு தேவையான திட்டங்களை செயல்படுத்துவார்கள். பத்தாம் இடத்தில் உள்ள ராசி அதிபதி அந்தஸ்தையும், கௌரவத்தையும் உயர்த்துவார்.

இரும்பு, நெருப்பு, மருத்துவம் தொழில்துறையினர் தடைகளை கடந்து வெற்றி அடைவார்கள். லேத் பட்டறை, ஆலோசனை, மருத்துவ உபகரண வியாபாரிகள் இவ்வாரம் முன்னேற்றப் பாதையில் நடையிடுவர். அரசாங்க உத்தியோகஸ்தர்கள் பணியிட சிக்கல்கள் விலகி ஆதாயம் பெறுவார்கள்.

ரியல் எஸ்டேட் துறையினர் தொழில் விருத்தி அடைவர். ஷேர் மார்க்கெட் பிரிவினர் அரசுத்துறை, இரும்பு, கட்டிட பொருள் தயாரிப்பு நிறுவன பங்குகளில் லாபம் அடைவர். பள்ளி, கல்லூரி மாணவர்கள் நல்ல மதிப்பெண்களை பெற தேவையான ஆலோசனைகளை பெறுவர்.

இருமல், காய்ச்சல், கை-கால் வலி ஏற்பட்டு சிகிச்சையால் அகலும். இரவு அதிக நேரம் கண் விழிப்பதை தவிர்க்கவும். கோவில் வாசலில் அமர்ந்துள்ள வறியவர்களுக்கு பொருளுதவி அல்லது அன்னதானம் அளிப்பது நன்மைகளை தரும்.

தனுசு

புத்திசாலித்தனத்துடன், விசுவாசமாகவும் நடந்து கொள்ளும் தனுசு ராசியினர் இந்த வாரம் குடும்ப, சமூக நற்காரியங்களில் ஈடுபட்டு புகழ் பெறுவர். ராசியை பார்க்கும் ராசி அதிபதி மனதில் தைரியத்தை ஏற்படுத்துவார்.

ஆடிட்டிங், அழகு சாதன தொழில், எழுத்துத் துறை சார்ந்தவர்கள் சிரமங்களை கடந்து வெற்றி பெறுவார்கள். மொத்த கொள்முதல், மளிகை கடை, சில்லறை விற்பனை வியாபாரிகள் புதிய கூட்டாளிகள், தொடர்புகள் கிடைத்து முன்னேற்றம் அடைவார்கள். தனியார் உத்தியோகஸ்தர்கள் நல்ல மாற்றங்களை சந்திப்பார்கள்.

ரியல் எஸ்டேட் துறையினர் நீர்நிலை பகுதிகளில் புதிய திட்டங்களை தொடங்குவார்கள். ஷேர் மார்க்கெட் பிரிவினர் ஆடை ஆபரண தயாரிப்பு, தங்க நகை நிறுவனம், ஏற்றுமதி நிறுவன பங்குகளில்

ஆதாயம் பெறுவர். பள்ளி, கல்லூரி மாணவர்கள் கருத்தரங்குகள், பயிற்சி வகுப்புகளில் பங்கு பெறுவார்கள்.

காலம் தவறி வெளியிடங்களில் உணவு உண்பதால் வயிற்றுக் கோளாறு, தொண்டை வலி ஏற்பட்டு சிகிச்சையால் அகலும். அன்னை வழி மாமா, தந்தை வழி அத்தைக்கு பரிசு வழங்கி ஆசிகளை பெறுவது நன்மை தரும்.

மகரம்

மனதில் மென்மையும் அதேசமயம் வலிமையும் கொண்டு நடக்கும் மகரம் ராசியினர் இந்த வாரம் நன்மை தரக்கூடிய புதிய தொடர்புகளை பெறுவார்கள். தைரிய ஸ்தான சனி, சுக ஸ்தான சுக்கிரன் மனதில் புதிய நம்பிக்கையை உருவாக்குவார்கள்.

அழகு சாதன பொருள் தயாரிப்பு, வட்டி, லாட்ஜ், அழகு நிலைய தொழில்துறையினர் நல்ல முன்னேற்றம் அடைவார்கள். கட்டிட பொருள் விற்பனை, சொகுசு வாகனம், தரகு வியாபாரிகள் எதிர்பார்த்த லாபத்தை பெற இரவுபகலாக உழைக்க வேண்டும். தனியார் துறை உத்தியோகஸ்தர்கள் உயர் அதிகாரிகள் மூலம் ஆதாயம் பெறுவர்.

ரியல் எஸ்டேட் துறையினர் பெருநகரங்களில் கட்டுமான திட்டங்களை தொடங்குவர். ஷேர் மார்க்கெட் பிரிவினர் வேளாண் நிறுவன பங்குகளில் லாபம் அடைவார்கள். பள்ளி, கல்லூரி மாணவர்கள் வழக்கத்தை விட கூடுதல் கவனம் செலுத்த வேண்டும்.

அலைச்சல் காரணமாக மன உளைச்சல், தலைவலி, முதுகுவலி ஏற்பட்டு மருத்துவத்தால் குணமாகும். மனைவி வழி சொந்தங்களுக்கு இயன்றவரை உதவிகள் செய்வதும், மனைவி வழி முதிய உறவினர்களிடம் ஆசி பெறுவதும் நன்மைகளை ஏற்படுத்தும்.

கும்பம்

தைரியமும், கூச்சமும், மற்றவர் கருத்தை மதிக்கும் குணமும் உள்ள கும்பம் ராசியினருக்கு இந்த வாரம் புதிய ஆடை, ஆபரணச் சேர்க்கை உண்டு. பஞ்சம ஸ்தானத்தில் உள்ள குரு தெளிவான சிந்தனையை ஏற்படுத்துவார்.

லேத் பட்டறை, மின்சார காண்ட்ராக்ட், விவசாயம், உலோக உற்பத்தி தொழில் துறையினர் தடைகளை கடந்து வெற்றி பெறுவார்கள். கட்டுமான பொருள் விற்பனை, மின்சார பொருள்

விற்பனை, பூஜா ஸ்டோர் வியாபாரிகள் மனதில் நினைத்த திட்டங்களை நிறைவேற்றுவார்கள். தனியார் உத்தியோகஸ்தர்கள் நிர்வாகம் மூலம் எதிர்பாராத ஆதாயங்களை பெறுவார்கள்.

ரியல் எஸ்டேட் பிரிவினர் கடன்களை தீர்க்கும் காலம் வந்து விட்டது. ஷேர் மார்க்கெட் பிரிவினர் கேளிக்கை விடுதி, உலோக தயாரிப்பு, ஹோட்டல் தொழில் நிறுவன பங்குகளில் லாபம் அடைவார்கள். பள்ளி, கல்லூரி மாணவர்கள் கணினி, பொறியியல் பாடத்தில் நல்ல மதிப்பெண் பெறுவர்.

தலைசுற்றல், மயக்கம் வருவதுபோல இருந்தால் தக்க மருத்துவ சிகிச்சை, ரத்த பரிசோதனை செய்து கொள்ள வேண்டும். இயன்றவரை தினமும் இரு முதியோருக்கு அன்னதானம், பொருள் தானம் தருவது நன்மை ஏற்படுத்தும்.

மீனம்

வேடிக்கையான சுபாவம், துன்பங்களை ஏற்கும் மனப்பக்குவம் உள்ள மீனம் ராசியினர் இந்த வாரம் தெய்வ வழிபாடுகளில் ஈடுபடுவார்கள். தன ஸ்தானத்தில் உள்ள சுக்கிரன் பேச்சில் இனிமையை கூட்டுவார்.

டிம்பர், பணம் கொடுக்கல் வாங்கல், கல்வி தொழில்துறையினர் எதிர்பார்த்த நன்மைகளை அடைவார்கள். சமையலறை பொருள்கள் விற்பனை, புத்தகங்கள், ஆன்மீக பொருள் வியாபாரிகள் திட்டமிட்ட லாபத்தை அடைவர். தனியார் உத்தியோகஸ்தர்கள் பொறுமையாக செயல்பட்டு உயர் அதிகாரிகள் மனதில் இடம் பிடிப்பர்.

ரியல் எஸ்டேட் துறையினர் அடுக்குமாடி குடியிருப்பு திட்டங்களில் முதலீடு செய்வார்கள். ஷேர் மார்க்கெட் பிரிவினர் அரசு சார்ந்த பங்குகளில் ஆதாயம் பெறுவார்கள். பள்ளி, கல்லூரி மாணவர்கள் தொழில்நுட்ப பயிற்சிகளை, அரசு போட்டித் தேர்வுகளை எழுத ஆலோசனை பெறுவர்.

வயிற்று உபாதைகள் ஏற்பட்டு விலகும். மருந்து மாத்திரை எடுத்துக்கொள்ளும் முதியோர் தவறாமல் எடுத்துக்கொள்ள வேண்டும். இரவில் நாய்களுக்கு பிஸ்கட் வழங்குவதும், கோவிலில் பைரவருக்கு அபிஷேக ஆராதனைகள் செய்வதும் பல நன்மைகளை ஏற்படுத்தும்.