இந்த வார ராசிபலன்:-

மேஷம்

உணர்ச்சிவசப்பட்டாலும், தராசு போல மன சமநிலையோடு அனைத்து விஷயங்களையும் செய்யும் மேஷம் ராசியினருக்கு 6-ம் இடத்திலுள்ள ராசி அதிபதி புதிய பொறுப்புகளை தருவார்.

வழக்கறிஞர், பால்பொருள் உற்பத்தி, ஓட்டல் தொழில், ரசாயன உற்பத்தி தொழில், கலைத்துறை, பேஷன் டிசைன், சொகுசு வாகன வியாபாரம் ஆகியவை முன்னேற்றம் அடையும். தனியார் துறை உத்தியோகஸ்தர்கள் சிக்கல்களை சந்தித்து வெற்றி பெறுவர்.

ரியல் எஸ்டேட் துறை புதிய திட்டங்களாலும், ஷேர் மார்க்கெட் எரிவாயு, நிதி நிறுவன, உள் அலங்கார நிறுவன பங்குகள் மூலமும் ஆதாயம் தரும். பள்ளி, கல்லூரி மாணவர்கள் உயர்கல்வி பெறுவது குறித்த செய்திகளை பெறுவர்.

மன உளைச்சல், தலைசுற்றல், தோல் பாதிப்பு ஆகியவை ஏற்பட்டு விலகும். அருகில் உள்ள கோவில்களில் சாமி தரிசனம், அன்னதானம் செய்வதன் மூலம் நன்மை ஏற்படும்.

ரிஷபம்

காரிய வெற்றியை நோக்கமாகக் கொண்ட ரிஷபம் ராசியினருக்கு 2-ம் இடத்தில் உள்ள ராசி அதிபதி சுபர் சேர்க்கை பெறுவதால் வண்டி வாகன, ஆபரணச் சேர்க்கை, சுற்றுலா யோகம் உண்டு.

பொறியியல், ரசாயனம், ரியல் எஸ்டேட் முதலீடு ஆகியவற்றாலும், ஆராய்ச்சி, எண்ணெய், நகை-ஜவுளி வியாபாரங்களும் வளர்ச்சி பெறும் சூழல் அமையும். அரசு உத்தியோகஸ்தர்களுக்கு மேலதிகாரி ஆதரவு உண்டு.

ரியல் எஸ்டேட் துறையில் புதிய அடுக்குமாடி கட்டுமான பணியிலும், ஷேர் மார்க்கெட்டில் அரசு துறை, ஹோட்டல், எரிவாயு நிறுவன பங்குகளில் லாபம் உண்டு. பள்ளி, கல்லூரி மாணவர்கள் கம்ப்யூட்டர் லாங்வேஜ் கற்றுக்கொள்வர்.

உடல் அசதி, காது, கை-கால் வலி ஏற்பட்டு சிகிச்சை மூலம் விலகும். வீட்டிற்கு அருகில் உள்ள பெண் தெய்வ கோவிலுக்கு மஞ்சல் நிற மலர்மாலை சமர்ப்பிப்பதும், பெண்களுக்கு மஞ்சள், குங்கும பிரசாதம் வழங்குவதும் நன்மை தரும்.

மிதுனம்

மாற்றுக் கருத்துகளை கவனமாக கேட்டு அதன்படி செயல்படும் மிதுனம் ராசியினருக்கு 2-ல் சூரியனோடு உள்ள ராசியதிபதி செல்வம் செல்வாக்கை தருவார்.

சிறுதொழில் கட்டுமான பொருள், வேளாண் விளைபொருள் வியாபாரம், சுற்றுலா, பத்திரிக்கை, ஆசிரியர், மின்னணு தொழில் ஆகியவை புதிய வேகம் பெறும். அரசு உத்தியோகஸ்தர்களுக்கு புதிய பொறுப்புகள் ஏற்படும்.

ரியல் எஸ்டேட் துறையில் புதிய கட்டுமானத் திட்டங்கள், ஷேர் மார்க்கெட்டில் ஓட்டல், மருத்துவமனை, கட்டிட பொருள் நிறுவன பங்குகளில் ஆதாயம் கிடைக்கும். பள்ளி, கல்லூரி மாணவர்கள் அரசு போட்டித் தேர்வுகளை எழுதுவர்.

வயிற்று வலி, பசியின்மை, தலைசுற்றல் ஏற்பட்டு சிகிச்சை மூலம் விலகும். சிவபெருமான், நந்திக்கு வஸ்திரம், மலர் மாலை சமர்ப்பிப்பது, கஷ்டப்படும் உறவினர்களுக்கு இயன்ற வரை பணம் உதவி செய்வதும் நன்மை தரும்.

கடகம்

யார் சொன்னாலும் அதை நம்பி விடாமல் அதற்கு என்ன அர்த்தம் என ஆராயும் கடகம் ராசியினருக்கு 12-ம் இடம் சுப பலம் பெறுவதால் வீடு, மனை யோகம் உண்டு.

இரும்பு, எந்திரம், ஜவுளி, ஏஜென்சி தொழில், அரசியல், சரக்கு போக்குவரத்து, சாலையோர கடை ஆகியவற்றில் காரிய வெற்றி உண்டு. அரசு, தனியார் உத்தியோகஸ்தர்கள் பணிச்சுமைக்கேற்ற ஆதாயம் பெறுவர்.

ரியல் எஸ்டேட் துறையில் புதிய கட்டுமான திட்டங்களாலும், ஷேர் மார்க்கெட்டில் வேளாண்மை, அரசு கட்டுமான நிறுவன பங்கு மூலமும் லாபம் உண்டு. பள்ளி, கல்லூரி மாணவர்கள் எதிர்காலம் குறித்து ஆசிரியர்களிடம் கலந்து ஆலோசனை செய்வது நல்லது.

மனக்குழப்பம், ஜீரண கோளாறு, உடல் அசதி ஏற்பட்டு ஓய்வு எடுப்பதால் விலகும். இளம் தம்பதியினருக்கு பரிசு பொருள்களை வழங்குவது, பள்ளி மாணவிகளுக்கு நோட்டு புத்தகம், பேனா, பென்சில் வழங்குவதும் நன்மை தரும்.

சிம்மம்

சேர்ந்து செயல்பட்டு வெற்றியில் மற்றவர்களுக்கும் பங்களிக்கும் சிம்மம் ராசியினர் 11-ம் இடத்திலுள்ள சுப கிரகங்களால் எதிர்கால நலனுக்கு உரிய விஷயங்களை செயல்படுத்துவர்.

கணினி, மருந்து, இரும்பு, ஆராய்ச்சி தொழில், சமூக சேவை, உணவகம், மார்க்கெட் காய்கறி வியாபாரம் ஆகியவை மக்கள் மத்தியில் மதிப்பு பெறும். அரசு உத்தியோகஸ்தர்கள் பணியிட சிக்கல்கள் விலகி நன்மை பெறுவர்.

ரியல் எஸ்டேட் துறையில் புதிய மாற்றங்கள் மூலமும், ஷேர் மார்க்கெட்டில் மருத்துவமனை, மசாலா பொருள் தயாரிப்பு, ஓட்டல் நிறுவன பங்குகளாலும் லாபம் உண்டு. பள்ளி, கல்லூரி மாணவர்கள் புதிய தொழில்நுட்பங்களை கற்றுக்கொள்வர்.

இடுப்பு வலி, உடல் அசதி, மனக்குழப்பம், சளி ஆகியவை ஏற்பட்டு சிகிச்சையால் விலகும். பெருமாள் கோவிலுக்கு துளசி மாலை சமர்ப்பணம் செய்வதும், பக்தர்களுக்கு இனிப்பு பிரசாதம் வழங்குவதும் நன்மை தரும்.

கன்னி

ஒரு விஷயத்தை முன்னதாகவே திட்டமிட்டு தீர்மானமாக நடத்தி முடிக்கும் கன்னி ராசியினருக்கு 11-ல் உள்ள ராசி அதிபதி காரிய தடைகளை விலக்கி நன்மை தருவார்.

ஆலோசகர்கள், அச்சகம், ஹெர்பல் தயாரிப்பு தொழில்களும், கலைத்துறை, பத்திரிக்கை, மளிகை, காய்கறி வியாபாரமும் எதிர்பார்த்த லாபத்தை தரும். தனியார் உத்தியோகஸ்தர்களுக்கு பணிச்சுமை இருந்தாலும், நன்மையும் கிடைக்கும்.

ரியல் எஸ்டேட் துறையில் புது அடுக்குமாடி குடியிருப்பு திட்ட முதலீடு, ஷேர் மார்க்கெட்டில் வேளாண் உற்பத்தி, இயற்கை எரிவாயு நிறுவன பங்குகளில் ஆதாயம் உண்டு. பள்ளி, கல்லூரி மாணவர்கள் அரசு போட்டித் தேர்வுகளை சந்திக்க தங்களை தயார்படுத்திக் கொள்ளலாம்.

காய்ச்சல், சளி, மன அழுத்தம் ஏற்பட்டு விலகும். குழந்தைகளுக்கு பரிசுகளை வழங்குவதும், கோவில் பக்தர்களுக்கு வெண்பொங்கல் பிரசாதமாக வழங்குவதும் நன்மை தரும்.

துலாம்

இன்றைய நாளை நலமாக நடத்தினால் நாளைய நாள் வளமாக அமையும் என்ற கொள்கை கொண்ட துலாம் ராசியினருக்கு 9-ல் இல்ல ராசி அதிபதி உற்றார், உறவினர், நண்பர்கள் மூலம் மன உற்சாகம் தருவார்.

சிறு தொழில், மருத்துவம், பொறியியல் ஆகியவையும், தொழில்நுட்ப கருவிகள், மருத்துவ உபகரண வியாபாரமும் முன்னேற்றம் பெறும். தனியார் துறை மேலாளர்கள், உத்தியோகஸ்தர்கள் எதிர்பார்த்த நன்மையை பெறுவர்.

ரியல் எஸ்டேட் துறையில் புதிய திட்டங்களை அறிமுகம் செய்வதாலும், ஷேர் மார்க்கெட்டில் அரசு நிறுவன, எரிவாயு பங்குகள் மூலமும் லாபம் உண்டு. பள்ளி, கல்லூரி மாணவர்கள் உற்சாக சுற்றுலா செல்வர்.

தோல் அலர்ஜி, மன உளைச்சல் ஏற்பட்டு சிகிச்சையால் அகலும். இரவில் தெரு நாய்களுக்கு உணவு தருவதும், கோவிலுக்கு நல்லெண்ணெய் தானம் அளிப்பதும் நன்மை தரும்.

விருச்சிகம்

மற்றவர்களுக்கு உதவி செய்தால் நமக்கு மற்றவர்கள் உதவி செய்வார்கள் என்ற நம்பிக்கை கொண்ட விருச்சிகம் ராசியினருக்கு 11-ல் உள்ள ராசியதிபதி குடும்ப பொருளாதாரம், சமூக மதிப்பு ஆகியவற்றை அளிப்பார்.

கட்டிட கலை, சினிமா, மீடியா தொழிலும், போட்டோகிராபி, நிதி ஆலோசனை, கட்டுமான பொருள்கள் வியாபாரமும் சிக்கல் அகன்று வெற்றி அடையும். தனியார் துறை உத்தியோகஸ்தர்கள் புதிய தொழில்நுட்ப பயிற்சி பெறுவர்.

ரியல் எஸ்டேட் துறையில் நடக்கும் கட்டுமான பணித்திட்டங்களை கவனிப்பதும், ஷேர் மார்க்கெட்டில் கட்டுமான, விமான, எரிவாயு நிறுவன பங்குகளும் நன்மை தரும். பள்ளி, கல்லூரி மாணவர்கள் நவீன தொழில்நுட்ப பயிற்சி பெறுவர்.

காய்ச்சல், கை-கால் அசதி ஏற்பட்டு சிகிச்சையால் விலகும். கோவிலுக்கு சிவப்பு நிற மாலை, மஞ்சள் வஸ்திரங்கள் வழங்குவதும், அன்னதானம் செய்வதும் நன்மை தரும்.

தனுசு

சிந்தனையிலும், செயலிலும் முற்றிலும் சுதந்திர மனோபாவத்தை விரும்பும் தனுசு ராசியினருக்கு 7-ல் உள்ள ராசியதிபதியால் பண வரவும், மனதிடமும் ஏற்படும்.

சுற்றுலா, ஓட்டல், ஆடை, ஆபரண தயாரிப்பு தொழிலும், பத்திரிக்கை துறை, ஈவன்ட் மேனேஜ்மென்ட், ஏற்றுமதி-இறக்குமதி வியாபாரமும் புதிய வாடிக்கையாளர்கள் மூலம் ஆதாயம் பெறும். கம்ப்யூட்டர், பத்திரிக்கை துறை தனியார் உத்தியோகஸ்தர்களுக்கு பணி உயர்வு உண்டு.

ரியல் எஸ்டேட் துறையில் கட்டுமான பணிகளை நேரில் பார்வை செய்வதாலும், ஷேர் மார்க்கெட்டில் எரிவாயு, விமான, கப்பல் நிறுவன பங்குகளாலும் நன்மை ஏற்படும். பள்ளி, கல்லூரி மாணவர்கள் உயர் பெற தக்க ஆலோசனை கிடைக்க பெறுவர்.

ஜீரணக்கோளாறு, அடிவயிறு, கால்களில் பாதிப்பு ஏற்பட்டு சிகிச்சையால் விலகும். மௌன விரதம், உணவு கட்டுப்பாடு மூலமும், தந்தை, தந்தைவழி உறவினர்களிடம் ஆசிகளை பெறுவதாலும் நன்மை உண்டு.

மகரம்

மற்றவர் துன்பத்தில் பங்கேற்பதில் முன்னிற்கும் மகரம் ராசியினருக்கு 3-ல் உள்ள ராசியதிபதி செவ்வாய் பார்வை பெறுவதால் கூடுதல் உழைப்பின் மூலம் ஆதாயம் தருவார்.

மனித வளம், மருத்துவம், விவசாயம் தொழில் துறையிலும், உணவகம், வாகனம், கட்டுமான பொருள் வியாபாரத்திலும் நீண்ட கால நன்மை தரும் முதலீடுகள் செய்யலாம். அரசு உத்தியோகஸ்தர்கள் திறமையாக செயல்பட்டு நிர்வாகத்தின் மதிப்பை பெறுவர்.

ரியல் எஸ்டேட்டில் புதிய திட்டங்களை தொடங்குவதாலும், ஷேர் மார்க்கெட்டில் மசாலா நிறுவனம், என்ஜினியரிங் நிறுவன பங்கு மூலமும் லாபம் பெறலாம். பள்ளி, கல்லூரி மாணவர்கள் வெளிநாடு சென்று கற்பதற்குரிய ஆலோசனை கிடைக்க பெறுவர்.

கணுக்கால், முட்டி, வயிற்று வலி ஏற்பட்டு சிகிச்சையால் அகலும். முதியோர்களுக்கு தண்ணீர் பாட்டில் தானம், கோவில்களில் குளிர்ச்சியான பானகம் நிவேத்திய பிரசாதமாக வழங்குவதும் நன்மை தரும்.

கும்பம்

எதையும் இரண்டில் ஒன்று பார்த்து விடுவோம் என்ற தன்னம்பிக்கை கொண்ட கும்பம் ராசியினருக்கு பொருளாதார நிலையில், உறவுகளிடையே உயர்வு ஏற்படும்.

கலைத்துறை, பெட்ரோல் பங்க், வேளாண் விளைபொருள் தொழிலிலும், அரசியல், சிறு தொழில், ஆடை-ஆபரண வியாபாரத்திலும் எதிர்பார்த்த வருமானம் கிடைக்கும். தனியார் உத்தியோகஸ்தர்கள் பணிகளில் நேரடியாக களமிறங்கி செயல்பட வேண்டும்.

ரியல் எஸ்டேட் துறையில் புதிய கட்டுமான திட்டங்களை தொடங்குவதாலும், ஷேர் மார்க்கெட்டில் மருந்து உற்பத்தி, ரியல் எஸ்டேட் பங்குகள் மூலமும் லாபம் உண்டு. பள்ளி, கல்லூரி மாணவர்கள் விளையாட்டு, தொழில்நுட்ப கற்றலுக்காக வெளியூர் செல்வர்.

வாய்ப்புண், தொண்டை வலி, உடல் அசதி ஏற்பட்டு மருத்துவம் மூலம் குணமடையும். தாயார், தாய் வழி உறவினர்களுக்கு பரிசு வழங்கி வாழ்த்து பெறுவதும், காளை மாடுகளுக்கு பழங்கள், அருகம்புல் உணவாக வழங்குவதும் நன்மை தரும்.

மீனம்

சங்கடமான நேரத்திலும் பிரச்சினைகளுக்கு சரியான தீர்வுகளை கண்டறியும் மீனம் ராசியினருக்கு இந்த வாரம் ராசி அதிபதி சுபர் உடன் இணைவதால் தடங்கல் விலகி சுபகாரியங்கள் நடைபெறும்.

மின் சாதன, எழுத்தாளர், விளையாட்டு துறையிலும், பத்திரிக்கை, மருத்துவம், சந்தை வியாபாரம் ஆகியவற்றிலும் புதிய வாய்ப்புகள் ஏற்படும். உத்தியோகஸ்தர்கள் உயர் அதிகாரி தொடர்பால் நன்மை பெறுவர்.

ரியல் எஸ்டேட் துறையில் முடக்கம் விலகுவதாலும், ஷேர் மார்க்கெட்டில் பெட்ரோலியம், சுற்றுலா நிறுவன பங்குகளிலும் நன்மை உண்டு. பள்ளி, கல்லூரி மாணவர்கள் விளையாட்டுகளில் வென்று கல்வி நிறுவனங்களுக்கு புகழ் சேர்ப்பர்.

கால் வலி, வயிற்றுப் பிரச்சனைகள் மருத்துவ சிகிச்சையால் நீங்கும். வயதானவர்களுக்கு மதிய உணவு தானம், இரவில் தெருநாய்களுக்கு உணவு, பிஸ்கட் வழங்குவதும் நன்மை தரும்.