சென்னையில் இன்றைய தங்கம் விலை நிலவரம்

தங்கம் விலை தொடர்ந்து ஏற்ற இறக்கத்துடன் காணப்பட்டு வருகிறது. கடந்த மாதம் (ஜூலை) 23-ந் தேதிக்கு பிறகு விலை சரிவடைந்து வந்த நிலையில், கடந்த 6-ந் தேதி ஒரு சவரன் ரூ.75 ஆயிரத்தை தாண்டியது. தொடர்ந்து அதிகரித்த தங்கம் விலை, கடந்த 8-ந் தேதி ஒரு சவரன் ரூ.75,760-க்கு விற்பனையாகி புதிய உச்சத்தை பதிவு செய்தது.

இதனைத் தொடர்ந்து குறையத் தொடங்கிய தங்கம் விலை, கடந்த வாரத்தில் இறங்கு முகத்தில் காணப்பட்டது. இந்த நிலையில் நேற்று முன்தினம் (வார இறுதியில்) தங்கம் விலை சவரனுக்கு ரூ.40 குறைந்து ஒரு சவரன் ரூ.74,200க்கு விற்பனையானது.

இந்த நிலையில் சென்னையில் ஆபரணத் தங்கத்தின் விலையில் இன்று எந்த மாற்றமும் இல்லை. அதன்படி தங்கம் விலையில் மாற்றமின்றி ஒரு சவரன் ரூ.74,200க்கு விற்பனை செய்யப்படுகிறது. ஒரு கிராம் ரூ.9,275-க்கு விற்பனை செய்யப்படுகிறது. வெள்ளியும் விலையில் மாற்றமின்றி ஒரு கிராம் 127 ரூபாய்க்கும், ஒரு கிலோ வெள்ளி 1 லட்சத்து 27,000 ரூபாய்க்கும் விற்பனை செய்யப்படுகிறது.