மீண்டும் ரூ.75 ஆயிரத்தை தாண்டிய தங்கம் விலை.. இன்றைய நிலவரம் என்ன..?

சென்னை,

தங்கம் விலை கடந்த மாதம் 23-ம் தேதி புதிய உச்சத்தை தொட்டது. அன்று ஒரு சவரன் தங்கம் வரலாற்றில் முதல் முறையாக ரூ.75 ஆயிரத்து 40க்கு விற்பனையானது. அதன் பின்னர் தொடர்ந்து விலை சற்று குறைந்தது.

ஆனால், கடந்த சில நாட்களாக தங்கம் விலையில் ஏற்ற இறக்கம் காணப்பட்டு வருகிறது. அதன்படி, கடந்த சனிக்கிழமை ஒரு சவரன் ஆபரணத்தங்கம் ரூ.74 ஆயிரத்து 320க்கு விற்பனை ஆனது. ஆபரணத்தங்கத்தின் விலை கிராம் ரூ.9 ஆயிரத்து 290க்கு விற்பனை செய்யப்பட்டது. ஞாயிற்றுக்கிழமை விடுமுறை தினம் என்பதால் தங்கம் விலையில் மாற்றமில்லை.

இந்த சூழலில் சென்னையில் நேற்று (செவ்வாய்கிழமை) ஆபரண தங்கத்தின் விலை சவரனுக்கு அதிரடியாக ரூ. 600 அதிகரித்து ஒரு சவரன் ரூ. 74 ஆயிரத்து 960க்கு விற்பனை செய்யப்பட்டது. ஆபரண தங்கத்தின் விலை கிராமிற்கு ரூ. 75 உயர்ந்து ஒருகிராம் தங்கம் ரூ. 9 ஆயிரத்து 370க்கு விற்பனை செய்யப்பட்டது.

இந்நிலையில், சென்னையில் ஆபரண தங்கத்தின் விலை இன்று (06.08.2025 - புதன்கிழமை) மேலும் உயர்ந்துள்ளது.

அதன்படி, சென்னையில் ஆபரண தங்கத்தின் விலை சவரனுக்கு ரூ. 80 அதிகரித்து ஒரு சவரன் ஆபரண தங்கம் ரூ. 75 ஆயிரத்து 040க்கு விற்பனை செய்யப்பட்டு வருகிறது. கிராமிற்கு ரூ. 10 அதிகரித்து ஒருகிராம் தங்கம் ரூ. 9 ஆயிரத்து 380க்கு விற்பனை செய்யப்பட்டு வருகிறது. இதன்படி தங்கம் விலை சவரனுக்கு மீண்டும் ரூ.75 ஆயிரத்தை தாண்டி உள்ளது.

இப்போதுள்ள வேகத்தில் விலை ஏறினால் நாளையோ அல்லது நாளை மறுநாளோ மீண்டும் புதிய உச்சத்தை தங்கம் விலை கடந்துவிடும் என்பதில் சந்தேகம் இல்லை. 

வெள்ளி விலை கிராமுக்கு ரூ.1 உயர்ந்து ஒரு கிராம் ரூ.126-க்கு விற்பனை செய்யப்படுகிறது. ஒரு கிலோ ஒரு லட்சத்து 26 ஆயிரத்துக்கு விற்பனையாகிறது.

கடந்த 5 நாட்களில் தங்கம் விலை நிலவரம்;

06.08.2025 ஒரு சவரன் ரூ. 75,040 (இன்று)

05.08.2025 ஒரு சவரன் ரூ. 74,960 (நேற்று)

04.08.2025 ஒரு சவரன் ரூ.74,360

03.08.2025 ஒரு சவரன் ரூ.74,320

02.08.2025 ஒரு சவரன் ரூ.74,320

01.08.2025 ஒரு சவரன் ரூ.73,200