ஏற்காட்டுக்கு சுற்றுலா போறீங்களா? நீங்க பார்க்க வேண்டிய முக்கிய இடங்கள்

கிள்ளியூர் அருவி : கிள்ளியூர் நீர்வீழ்ச்சி பெரும்பாலும் இந்தியாவின் மிக அழகான நீர்வீழ்ச்சிகளில் ஒன்றாகும். இது பார்வையாளர்கள் அருவிக்குச் செல்லும் வழியில் படகு சவாரி செய்து மகிழலாம்.

பகோடா பாயிண்ட்: அமைதியை விரும்புவோருக்கு ஏற்ற சுற்றுலா தலமாகும். பகோடா பாயிண்ட், மலைவாசஸ்தலத்தின் மயக்கும் மற்றும் அற்புதமான காட்சிகளை வழங்குகிறது.

ஏற்காடு ஏரி : எமரால்டு ஏரி என்று அழைக்கப்படும் ஏற்காடு ஏரி தென்னிந்திய மலைப் பகுதியில் அமைந்த இயற்கை ஏரியாகும். இந்த ஏரி அமைதியான படகு சவாரி அனுபவத்தையும் வழங்குகிறது. இது அதன் மூச்சடைக்கக்கூடிய அழகுக்கு காரணமாக அமைகிறது.

மான் பூங்கா : இது குழந்தைகளுக்கு மகிழ்ச்சி மற்றும் குடும்பங்கள் பார்க்க ஒரு சிறந்த இடம். இங்கு மான், வெள்ளெலிகள், ஸ்வான்ஸ் மற்றும் மயில்களின் இருப்பிடமாகவும், ஏற்காடு ஏரிக்கு அருகில் அமைந்துள்ளது.

அண்ணா பூங்கா : இந்த பூங்காவில் ஜப்பான் தோட்டக்கலையைப் பின்பற்றி ஒரு சிறிய பூங்காவும் அமைந்துள்ளது. மே மாதம் இங்கு மலர்க் கண்காட்சியும் நடைபெறும்.

தாவரவியல் பூங்கா : இந்த பூங்காவில் 3000 வகையான மரங்களும், 1800 வகையான செடிகளும் உள்ளன. இந்தப் பூங்கா 1963-ம் ஆண்டு அமைக்கப்பட்டது. அற்புதமான மரங்கள் மற்றும் பல்வேறு வகையான தாவரங்களைப் பற்றி தெரிந்து கொள்வதில் ஆர்வமுள்ள எந்தவொரு சுற்றுலாப் பயணிக்கும் இந்த பூங்கா ஒரு கடவுளின் பரிசு போல காட்சியளிக்கும்.

கரடியின் குகை : கரடியின் குகை ஒரு தனியார் காபி எஸ்டேட்டில் உள்ளது. சேர்வராயன் சன்னதிக்கு அருகில் அமைந்துள்ள இந்த குகை முன்பு கரடிகளின் இருப்பிடமாக இருந்ததாக கூறப்படுகிறது.

ஸ்ரீ சக்ர மகாமேரு கோவில் : இது ஏற்காட்டில் புகழ்பெற்ற லூப் ரோலில் அமைந்துள்ளது மற்றும் உலகின் மிகப்பெரிய ஸ்ரீ சக்ர மகா மேருவைக் கொண்டுள்ளது. கோயிலின் உள்ளே இருக்கும் முதன்மையான தெய்வத்தைத் தாண்டி, பெரும்பாலான சுற்றுலாப் பயணிகளை வசீகரிப்பது கோயிலின் சிக்கலான கட்டிடக்கலை.

சேர்வராயன் கோவில்: கடல் மட்டத்தில் இருந்து 5326 அடி உயரத்தில் அமைந்துள்ள சேர்வராயன் மலையில் உள்ளது இக்கோவில். மே மாதத்தில் நடக்கும் திருவிழா மிகப் பிரபலம். இங்கு இருக்கும் கடவுளான சேர்வராயரும், காவிரி அம்மனும் சேர்வராயன் மலையையும், காவிரி நதியையும் குறிக்கின்றனர்.

லேடிஸ் சீட்: எற்காட்டில் இருந்து 2 கி.மீ தொலைவில் அமைந்துள்ள மற்றொரு பிரபலமான இடம் லேடிஸ் சீட். இங்கிருந்து தொலைநோக்கி மூலம் சேலம் மாநகரைக் கண்டு ரசிக்கலாம். இந்த தொலை நோக்கியுடன் கூடிய காட்சி கோபுரம் பார்வையாளர்களின் வருகைக்கு தினமும் திறக்கப்பட்டிருக்கிறது.