இலங்கையில் கனமழை: கொழும்பு விமான நிலையத்தில் சிக்கிய 150 தமிழர்கள்

இலங்கையில் கனமழை பெய்யும் நிலையில் கொழும்பு விமான நிலையத்தில் 150 தமிழர்கள் சிக்கிய உள்ளதாக தகவல் வெளியாகி உள்ளது.

விமானங்கள் ரத்து செய்யப்பட்டதால் உணவு, தண்ணீரின்றி தமிழர்கள் தவித்து வருகின்றனர். தமிழர்களை மீட்பதற்கான நடவடிக்கை குறித்து இலங்கையில் உள்ள இந்திய தூதரகத்துடன் தமிழ்நாடு அரசு ஆலோசனை நடத்தி வருகிறது. மேலும் இது தொடர்பாக முதல்-அமைச்சரின் உத்தரவின் பேரில் கொழும்பில் உள்ள இந்திய தூதரக அதிகாரிகளுடன் பொதுத்துறைச் செயலாளர் ஆலோசனை நடத்தியதாக தகவல்கள் தெரிவிக்கின்றன.